Сафири Тоҷикистон дар Туркия Ашраф Гулов рӯзи 11 декабр дар бинои Вазорати тиҷорати Туркия бо Вазири тиҷорати ин кишвар Меҳмет Муш дидору гуфтушунид кард.
Тавре дафтари матбуоти сафорат хабар медиҳад, зимни вохурӣ ҷонибҳо вобаста ба вазъи кунунӣ ва имконияти рушди муносибатҳои иқтисодию тиҷоратӣ, аз ҷумла дар доираи Комиссия байниҳукуматии Тоҷикистону Туркия оид ба ҳамкориҳои иқтисодӣ мубодилаи афкор намуданд.
“Ҷонибҳо ҷиҳати пайгирии мувофиқаҳои қаблии роҳбарияти олии ду кишвар вобаста ба диверсификатсия ва афзоиши гардиши савдо байни Тоҷикистону Туркия ва расонидани он ба 1 млрд. доллари ИМА, инчунин масъалаҳои ҷаласаи 11-уми Комиссияи болозикр, аз ҷумла таҳияи “Харитаи роҳ оид ба афзоиши гардиши савдо байни Тоҷикистону Туркия барои солҳои 2022-2025”, корбарӣ намуда истодаанд”, - омадааст дар хабари сафорат.
Гуфта мешавад, ҳамзамон дар вохӯрӣ ҷонибҳо вобаста ба ҳолати иҷроиш ва иқдомҳои оянда ҷиҳати пайгирии бандҳои Нақшаи амали муштараки ҷаласаи 11-уми Комиссияи байниҳукуматии Тоҷикистону Туркия оид ба ҳамкориҳои иқтисодӣ табодули назар карданд.
Аз ҷумла доир ба масъалаҳои марбут ба тақвият бахшидани ҳамкорӣ дар соҳаҳои тиҷорату иқтисодӣ, сармоягузорӣ, фаъолияти бонкӣ, кишоварзӣ, энергетика, саноат, сохтмон ва меъморӣ, нақлиёт, авиатсияи гражданӣ, алоқа, сайёҳӣ, ҳифзи муҳити зист, тандурустӣ, маориф ва илм, фарҳанг, меҳнат ва ҳифзи иҷтимоии аҳолӣ, варзиш ва сиёсати ҷавонон, стандартизатсия ва дигар масъалаҳои муҳими ҳамкории дуҷониба ибрози назар шуд.
Зикр мешавад, ки дар Туркия тибқи тартиби муқарраргардида Вазорати тиҷорат котиботи Комиссияи байниҳукуматии Туркия бо кишварҳои хориҷии оид ба ҳамкориҳои иқтисодӣ буда, нақши он дар таҳияи Протоколҳои ҷаласаҳои Комиссия муҳим арзёбӣ мегардад.
Ҳамчунин бо ибтикори сафорати Тоҷикистон дар Туркия вебинари маҷозӣ дар мавзӯи “Шарикии ширкатҳои тоҷикию туркӣ дар соҳаи саноати тиббӣ ва фармасевтика” бо иштироки масъулини вазорату идораҳои дахлдори кишвар ва аъзоёни Шурои робитаҳои иқтисодии хориҷии Туркия (DEIK), Ассотсиатсиатсияи саноатчиён ва соҳибкорони мустақили Туркия (MUSIAD) ва ҷалби беш аз 50 ширкати тоҷикию туркии соҳаи тиб ва фармасевтика, баргузор гардид.
Дар вебинар инчунин коршиносону аъзоёни Шӯрои тиббии назди MUSIAD, Шӯрои тандурустии назди DEIK, инчунин Палатаи савдо ва саноати Тоҷикистон ширкат варзида, вобаста ба тақвияти ҳамкориҳои иқтисодӣ дар самти мазкур ва имконияти таъсиси гурӯҳҳои кории соҳавӣ байни ассотсиатсияҳои тиҷоратӣ бо ҷалби ширкатҳои Тоҷикистону Туркия, аз ҷумла дар соҳаи тандурустӣ ва тиб бо назардошти пайгирии ҳадафҳои Тоҷикистон оид ба таъсиси кластерҳо ва паркҳои технологӣ дар заминаи таҷрибаи Туркия мубоҳисаҳои доманадор сурат гирифт.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Президенти Ӯзбекистон имрӯз ба Душанбе меояд
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Кулли ахбор
Авторизуйтесь, пожалуйста