Мақомоти Тоҷикистон ҷараёни бақайдгирии ҳуҷҷатҳоеро, ки барои машғул шудани ба сохтмон дар кишвар иҷоза медиҳанд, соддатар карданд.
Бино ба иттилои сомонаи Хадамоти иҷозатномадиҳии шаҳрсозии назди Кумитаи меъморӣ ва сохтмони назди ҳукумати Тоҷикистон, акнун ҳуҷҷатҳоро дар шакли электронӣ ба қайд гирифтан мумкин аст.
Шахсони воқеӣ ва ҳуқуқӣ метавонанд ҳуҷҷатҳои худро дар сомонаи www.kifs.tj ба қайд гузоранд.
“Ин иқдом бар асоси дастуру фармоишҳои президенти кишвар, ки дар ҷаласаи ҳукумат дар мавриди масъалаи густариши ҷараёни рақамикунӣ садо доданд, амалӣ шуд”, - гуфта мешавад дар хабар.
Танҳо сарватмандон ба сохтмон машғул шуда метавонанд
Мақомот қаблан барои сангинтар кардани талабот ба бинокорон ҷиҳати ҳимоя аз манфиатҳои саҳмдорон ва моликон, инчунин пешгирии ба таври сунъӣ дароз кардани муҳлати сохтмон, тадбирҳо рӯйи даст гирифтанд.
Тартиби нави аз ҷониби Сарраёсати меъморӣ ва шаҳрсозии Душанбе тасдиқшуда аз санҷиши қарзи ширкати бинокор аз андоз, пешниҳоди нишондиҳандаҳои техникиву иқтисодӣ ва уҳдадориҳо оид ба маблағҳо дар суратҳисоби алоҳидаи бонкӣ иборат аст.
Ширкати бинокор бояд аз рӯйи ҳуҷҷат доштани суратҳисоби бонкиро, ки дар он на камтар аз 20% аз арзиши умумии иншооти сохтамешуда нигаҳдорӣ мешавад, тасдиқ намояд.
Ширкатҳое, ки бори аввал ба сохтмон машғул мешаванд, танҳо як биноро сохта метавонанд, ба бунёди маҷмааи биноҳо бошад, танҳо ба ширкатҳои таҷрибадор иҷоза дода мешавад.
Ҳамчунин шартҳои эътирофи ширкати сохтмон ҳамчун “мушкилдор” муайян карда шуданд, ки аз оғози корҳои сохтмон бидуни пардохтҳои ҳатмӣ, риоя накардани меъъёрҳои сохтмон, худсарона сохтани биноҳои иловагӣ ва ошёнаи дар лоиҳа мавҷуднабуда, инчунин гузаштани вақти ба истифода додани иншооти сохтмон ба муҳлати беш аз 6 моҳ иборатанд.
Қобили зикр аст, ки айни замон сохтмони биноҳои истиқоматӣ дар Тоҷикистон хеле дар ҳоли рушд аст.
Бино ба маълумоти Агентии омори ҶТ, соли 2022 дар Тоҷикистон 1701,5 ҳазор метри мураббаъ манзил ба истифода дода шудааст, ки 119% нисбат ба соли гузаштаро ташкил медиҳад.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста