Зимни нишасти матбуотии рӯзи 7 феврал дар Душанбе муовини аввали сардори Хадамоти зиддиинҳисории назди ҳукумати Тоҷикистон Нуралӣ Қурбонзода изҳор намуд, ки фаъолияти моливӣ ва хоҷагидории субъектҳои машғул ба истеҳсол, интиқол ва тақсимоти неруи барқ доимо таҳлил мешавад.
Ӯ зикр кард, ки соли 2023 гурӯҳи корие, ки назди ин Хадамот таъсис дода шуд, пас аз таҳлили семоҳаи фаъолияти ин субъектҳо ба хулосае расид, ки тарифҳо ба неруи барқ боло бурда шаванд.
Қурбонзода қабули чунин қарорро комилан асоснок медонад, зеро тибқи арзёбии ӯ, хароҷоти субъектҳои зикршуда сол то сол зиёд мешаванд.
“Болоравии музди меҳнати кормандон, сарфи маблағҳо барои сӯзишворӣ ва дигар хароҷот”-ро, ки ба арзиши аслии неруи барқ таъсир мерасонанд, ӯ аз ҷумлаи чунин хароҷот унвон кард.
Аз ҷумла, Қурбонзода таъкид дошт, ки дар Душанбе Марказҳои барқу гармидиҳӣ кор карда, барои истеҳсоли неруи барқ ва гармӣ гази табиӣ, ангишт ва мазут мехаранд ва он ба арзиши умумии барқ таъсир мерасонад.
Дар ҳамин ҳол, тибқи маълумоти расмии оморӣ, соли 2023 дар Тоҷикистон ҳудуди 95%-и неруи барқ дар неругоҳҳои барқи обӣ ва танҳо каме бештар аз 5%-аш дар марказҳои барқу гармидиҳӣ истеҳсол шудааст.
Барои муқоиса - дар Ӯзбекистони ҳамсоя зиёда аз 80%-и неруи барқ дар марказҳои барқу гармидиҳӣ истеҳсол шуда, лекин арзиши барқ барои аҳолӣ дар ин кишвари ҳамсоя пасттар аст.
Ба ин тариқ, тариф барои истеъмолгарони маишӣ дар Тоҷикистон аз 1 январи соли равон ба андозаи 16% боло рафта, арзиши 1 киловатт соат неруи барқ ба 30,75 дирам (2,8 сент) расид.
Дар Ӯзбекистон бошад, аз 1 октябри соли 2023 аҳолӣ барои 1 киловатт-соат неруи барқ 295 сӯм (2,4 сент) пардохт мекунад.
Қобили зикр аст, ки мувофиқи арзёбии энергетикҳо, арзиши аслии барқи дар неругоҳҳои барқи обӣ истеҳсолшуда нисбат ба барқе, ки дар марказҳои барқу гармидиҳӣ истеҳсол мешавад, бамаротиб пасттар аст, зеро барқ дар марказҳо аз ҳисоби истифодаи сӯзишворӣ (газ, ангишт) истеҳсол мешавад. Дар неругоҳҳои барқи обӣ бошад, танҳо пардохти роялти (андози махсус) лозим буда, истифодаи об бепул аст.
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Бонки миллӣ бори дуюм аз оғози сол меъёри бозтамвилро паст кард
Аввал расид, баъд шаҳодатномаи хатм? Шикоят аз ҳуҷҷатсупории иҷборӣ ба Маркази миллии тестӣ
Президенти БАТР бо сафари дурӯза ба Душанбе меояд
“Бегуноҳ аст”. Додгоҳҳои Тоҷикистон давоми 5 сол чанд ҳукми сафедкунанда содир кардаанд?
Амрико барои нигоҳдорӣ ва ҳифзи Панҷакенти куҳан беш аз $186 ҳазор ҷудо кард
Кулли ахбор
Авторизуйтесь, пожалуйста