Бонки осиёии рушд (БОР) 15 млн доллар маблағгузории иловагии грантиро барои лоиҳаи дубора пайвастани низоми энергетикии Тоҷикистон бо низоми ягонаи энергетикии Осиёи Марказӣ тавассути хатҳои шабакавии кишвари ҳамсояи Ӯзбекистон тасдиқ намуд. Дар ин бора хадамоти матбуоти Бонк хабар медиҳад.
Маблағҳои иловагӣ имкон медиҳанд, ки байни зеристгоҳи «Суғд» дар шимоли Тоҷикистон ва зеристгоҳи «Сирдарёи Нав» дар Ӯзбекистон хати нави интиқоли барқ бо шиддати 500 киловолт сохта шавад. Ин имконият медиҳад, ки иқтидори содирот ва воридоти нерӯи барқ байни кишварҳои низоми энергетикии Осиёи Марказӣ, ки Қазоқистон, Қирғизистон, Тоҷикистон ва Ӯзбекистонро дар бар мегирад, афзоиш ёбад ва зерсохторҳои зарурӣ барои пешгирии садамаҳои шабакавӣ тақвият дода шаванд.
Дар доираи лоиҳа инчунин омодагии низоми энергетикии Тоҷикистон барои хидматрасониҳо оид ба танзими ҷараён ва басомади нерӯ барои муттаҳидсозии устувори энергияи барқароршаванда дар минтақа таъмин мешавад. Дар дурнамои дарозмуддат ин лоиҳа ба унсури асосии нақшаи интиқоли нерӯи барқ аз НБО-и “Роғун” дар Тоҷикистон табдил хоҳад ёфт.
“Тавассути Барномаи ҳамкории иқтисодии минтақавии Осиёи Марказӣ (ЦАРЭС) БОР ба таври фаъол тиҷорати минтақавии энергия байни кишварҳои Осиёи Марказӣ ва берун аз онро ба роҳ мемонад. Дастгирии мо устувории низоми энергетикии минтақавиро баланд бардошта, ба коҳиш додани партови газҳои гулхонаӣ дар минтақа мусоидат мекунад», — гуфтааст директори генералии БОР дар Осиёи Марказӣ ва Ғарбӣ Евгений Жуков.
Бонки осиёии рушд соли 1966 таъсис дода шуда, 68 кишвар аъзои он мебошанд ва 49 давлати узви Бонк дар минтақаи Осиё ва Уқёнуси Ором ҷойгиранд. Тоҷикистон соли 1998 ба узвияти БОР пазируфта шуд.
Ниҳоди байнулмилалии мазкур мададрасони бузургтарини Тоҷикистон маҳсуб меёбад. Давоми 26 соли шарикӣ БОР баҳри дастгирии соҳаҳои гуногуни Тоҷикистон - аз бахши роҳсозиву зерсохтори энергетикӣ то тандурустиву кишоварзӣ, рушди шаҳрҳову идоракунии давлатӣ ва молия - ба маблағи умумии зиёда аз 2,7 млрд доллар кумак расонид, аз ҷумла беш аз 2,1 млрд доллар ба сифати грант ҷудо шуд.
Гулҳои “тиллоӣ”. Чӣ гуна дар Душанбе барои харидории гулҳо миллионҳо сомонӣ сарф мекунанд?
Озмуни “Тоҷикистон-ватани азизи ман” ҷамъбаст гардид. Киҳо ғолиб шуданд?
Тоҷикистон аз ҷиҳати арзонии хидматрасонии таксиҳо дар ҷаҳон 5-ум аст
“Китобхонаи электронӣ”, “Мактаб мобайл”, “Сандуқчаи зулбиё”. Хазинаи электронии вазорати маориф чӣ дорад?
"Изҳороти тоҷикситезона". Вокуниши тунди масъули ВКХ-и Тоҷикистон ба суханони як вакили парлумони Русия
Милитсияи Душанбе аз сокинон даъват намуд, ки ба фиреби талбандаҳои “маъюб” бовар накунанд
Аввалин бонки молиявии хурд: тағйири ном ва ҳадафҳои густурдатар
“Аудиокитоб” бо Субҳон Ҷалилов. Маснавии маънавӣ. Ҳикояи "Фил дар торикӣ"
Мунтахаби футболи Тоҷикистон аз бозии дӯстона бо тими Русия даст кашид
“Сердаромадтарин соҳаи боғдорӣ”. Чӣ тавр аз парвариши ангур метавон сарватманд шуд?
Кулли ахбор
Авторизуйтесь, пожалуйста