Дар қаламрави Тоҷикистон барои самаранокии ҳамлу нақли логистикӣ сохтани марказҳои нави захираи бор (хабҳо) ва маҷмааи анборҳо лозим аст. Дар ин бора хабаргузории ТАСС бо истинод ба муовини вазири нақлиёти Русия Дмитрий Зеврев иттилоъ медиҳад.
«Доир ба беҳтар кардани самаранокии занҷираҳои логистикӣ мо бо ин мушкилот бо бисёре аз кишварҳо рӯ ба рӯ шудаем, дар робита ба кушодани масирҳои нави боркашонӣ ва ҷамъоварии борҳо барои лоиҳаҳое мисли “Агроэкспресс”, ба мо, бешубҳа, хабҳо (марказҳои нигаҳдории бор) дар қаламрави Тоҷикистон ва маҷмааҳои анбор бо категорияҳои анборҳои А ва Б+ лозим аст, то ки борҳо ҷамъоварӣ шаванд», – гуфтааст ӯ дар нишасти мизи мудаввар оид ба «Ҳамкориҳои тиҷоратию иқтисодӣ ва сармоягузории Тоҷикистон ва Русия», ки рӯзҳои охир дар Душанбе баргузор шуд.
Ба гуфтаи Зверев, ин иқдом ба тағйироти назаррас дар нархгузории боркашонӣ тавассути роҳи оҳан боис гардида, дар натиҷа дастрасӣ барои истеъмолкунандагон ва фиристандагони борро осонтар мекунад.
Ӯ зикр намуд, ки соли 2023 ҳаҷми боркашонӣ тавассути роҳи оҳан миёни Тоҷикистон ва Русия 29% афзоиш ёфта, дар ҳашт моҳи соли 2024 тақрибан дар ҳамон сатҳ боқӣ мондааст, ки ин як «нишондиҳандаи хуб» мебошад.
Зверев таъкид доштааст, ки ҳаҷми солонаи боркашонӣ тавассути нақлиёти автомобилӣ миёни ду кишвар тақрибан 150 ҳазор тоннаро ташкил медиҳад.
«Аз як ҷониб, ин нишондиҳандаи устуворӣ аст. Аз тарафи дигар, мо дурнамои рушди назаррасро мебинем. Барои ин бояд марказҳои логистикии ҷамъоварии бор дар қаламрави Тоҷикистон, аз ҷумла бо ҳамкории соҳибкорони рус таъсис дода шаванд», – илова намудааст ӯ.
Ёдрас мекунем, ки Русия шарики асосии тиҷоратии Тоҷикистон буда, аз панҷ як ҳиссаи гардиши савдои хориҷии ҷумҳурӣ ба ин кишвар рост меояд.
Бино ба маълумоти Агентии омор, савдои дуҷониба байни Тоҷикистону Русия дар ҳашт моҳи соли ҷорӣ 1 млрд 268,6 млн долларро ташкил додааст, ки 14,3% зиёдтар нисбат ба ҳамин давраи соли 2023 зиёдтар аст. Қобили зикр аст, ки 94,5% ҳаҷми савдои дуҷониба ба воридоти молу маҳсулот аз Русия ба Тоҷикистон рост меояд.
Муҳим дониш не, зоҳир аст? Чӣ гуна ҳуқуқи хонандагон дар мактабҳои Тоҷикистон поймол мешавад?
“Дар Русия бо муҳоҷирон тоҷик муносибати дағал мекунанд”. Номаи эътирози Омбудсмени тоҷик ба ҳамтои русаш
“Аудиокитоб” бо Субҳон Ҷалилов. Маснавии маънавӣ. Ҳикояи “Кайфари паймоншиканӣ”
Азобу машаққати пахтакорӣ. Деҳқонон умеде надоранд, ки фоидаи зиёд мегиранд
Кадом дастаҳо ба финали Ҷоми футболи Тоҷикистон баромаданд?
Эмомалӣ Раҳмон ва Валентина Матвиенко дар чӣ бора суҳбат карданд?
“Аз номам сӯиистифода мекунанд”. Саидмурод Давлатов дар бораи қаллобон ва дуруст сарватманд шудан суҳбат кард
“Дар гулӯяш теғ гузошта, пул гирифт”. ВКД аз боздошти гурӯҳе хабар дод, ки дар Русия муҳоҷирони тоҷикро ғорат мекардаанд
Эмомалӣ Раҳмон ба Туркманистон сафар кард
8 сабаби асосии ихроҷи шаҳрванди Тоҷикистон аз Русия
Кулли ахбор
Авторизуйтесь, пожалуйста