Дар пайи тармафароӣ дар ноҳияи Ванҷи Вилояти Мухтори Кӯҳистони Бадахшон як нафар ҷон бохта, ду нафари дигар захмӣ шудаанд. Ҳодиса соати 9-и субҳи 20-уми ноябр, дар деҳаи Пшихарви ин ноҳия рух додааст.
Дар ин бора аз Кумитаи ҳолатҳои фавқулода ва мудофиаи шаҳрвандӣ ба “Азия-Плюс” хабар дода, гуфтанд, ки марди ҳалокшуда 55 сол доштааст, аммо ҳуввияти ӯ ошкор нашудааст.
Кормандони КҲФ ҷасади марди ҷонбохтаро ҳоло ҷустуҷӯ доранд.
Кумитаи ҳолатҳои фавқулода ва мудофиаи шаҳрвандӣ аз ду нафари дигари зери тармамонда Диловар Умаров ва Алишер Ҷумъаев ном бурда, таъкид кардааст, ки онҳо тавонистаанд ҷон ба саломат баранд.
Алишер Ҷумъаев бо ҷароҳатҳои гуногун дар беморхона бистарӣ шудааст.
Ба гуфтаи КҲФ ҳамаи сокинони зери тарма монда барои ҷамъоварии ҳезум ба кӯҳ рафта будаанд.
Бояд гуфт, рӯзҳои охир дар минтақаҳои кӯҳии кишвар барфу борони зиёд борид. Дар пайи ин, КҲФ ба сокинон ҳушдор медиҳад, ки барои эмин мондан аз хатари тарма аз рафтан ба кӯҳҳо ва ҷойҳои хатарнок худдорӣ кунанд.
Ҳамасола дар фаслҳои зимистону баҳор дар минтақаҳои кӯҳии Тоҷикистон дар пайи фаромадани тарма сокинон зарар мебинанд ва гоҳе ҳам ба ҳалокат мерасанд.
Яке аз серқурбонитарин ҳодисаи тармафароӣ моҳи феврали соли 2023 дар ВМКБ сабт шуд, ки дар пайи он 18 нафар ба ҳалокат расида, чандин нафари дигар ҷароҳат бардошта буданд.
Аз гӯйишҳои зебои форсӣ то лағви раводиду рушди гардишгарӣ. Ёддошти як вазири баландпояи Эрон аз сафараш ба Тоҷикистон
Кори Зафар Сайидзода ба ҳайси Консули кулли Тоҷикистон дар Екатеринбург ба анҷом расид
Барои пешгирӣ аз тағйирёбии иқлим ба Тоҷикистон $8 миллиард лозим аст. Онро аз куҷо ва чӣ гуна пайдо бояд кард?
Эрон, Уммон ва Куриёи Шимолӣ. Рақибони мунтахаби наврасони Тоҷикистон дар Ҷоми Осиё-2025 маълум шуданд
Дар Теҳрон 60-солагии Фарзонаро таҷлил мекунанд
“Аудиокитоб” бо Субҳон Ҷалилов. Маснавии маънавӣ. Ҳикояи “Меҳмони тозаворид”
Эмомалӣ Собирзода ба ҷойи Шералӣ Мирзо. Вазири нави дифоъ кист ва кадом мушкилоти соҳа дар пешорӯяш аст?
Дар Душанбе марди гумонбар ба содир кардани 12 ҷинояти қаллобӣ боздошт шуд
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 24 январи соли 2025
Интизориҳои ҷомеа аз Носир Саид ва хотираҳо аз Нуриддин Саид. Онҳо кистанду чӣ корнома доранд?
Кулли ахбор
Авторизуйтесь, пожалуйста