Исфара. 8-уми июн. ОИ «Азия-Плюс» - Ҳукумати Қирғизистон ба Тоҷикистон ба маблағи умумии 4,3 млн. соми қирғизӣ кӯмаки башардӯстона ирсол кард.

Ба гуфтаи котиби вазорати ҳолатҳои фавқулоддаи Қирғизистон Туратбек Ҷунушалиев, ки бо кӯмаки башардӯстона аз вилояти Баткент ба ноҳияи Исфара омад, кӯмак асосан аз масолеҳи сохтмонӣ иборат аст.

Тибқи маълумоти хадамоти гумруки ноҳияи Исфара, аз Қирғизистон ба қаламрави ҷумҳурӣ зиёда аз 13 тонна арматура, 5000 метри мукааб ДВП, 1000 дона шифер, 2 муҳаррики барқӣ, 3 адад трансформатор ва қисмҳои эҳтиётӣ барои низоми обтаъминкунӣ ворид гаштааст.