Дар Тоҷикистон бо номи “Заволи пиряхҳо” филми мустанад ба навор гирифта шуд. Дар он оид ба обшавии пиряхҳои Тоҷикистон, ки яке аз манбаъҳои муҳими оби тоза дар Осиёи Марказӣ ба ҳисоб меравад, сухан меравад.
Филми мустанадро Одина Маҳмад, коргардони ҷавони тоҷик сабт кардааст. Ӯ мегӯяд, филм яке аз мавзӯҳои муҳим дар Тоҷикистон ва ҷаҳон- обшавии босуръати пиряхҳо дар натиҷаи гармшавии глобалӣ ва тағйирёбии иқлимро фаро гирифта, дар асоси таҳқиқоти олимони соҳа, ки дар тӯли 20 соли охир гузаронида шудаанд, омода гардидааст.
“Дар филм графикаҳои 3D ва инфографика истифода шудаанд, ки ин ба тамошобинон имкон медиҳад, то пайомадҳои экологӣ, аз ҷумла тағирёбии иқлимро равшантар дарк кунанд. Ҳоло филмҳои мустанад воситаи муассири баланд бардоштани сатҳи огоҳии ҷомеа дар бораи масъалаҳои экологӣ, иҷтимоӣ ва иқтисодӣ мебошанд, ки имрӯз инсоният рӯ ба рӯ шудааст”,-гуфт Одина Маҳмад.
Ба иттилои ӯ, филм дар 7 моҳ омода шуда, муаллифи он Некрӯзи Ҷалилиён ва наворбардор Абдукарим Уроқов мебошад.
Бодя гуфт, ки пиряхҳои Тоҷикистон 60% захираҳои обии Осиёи Марказиро ташкил медиҳанд ва тағйироти номатлуби иқлим ба ҳаёти миллионҳо нафар дар минтақа таъсир мерасонад. Чунин филмҳо метавонанд дар ин маврид баҳсҳоро дар ҷомеа ба вуҷуд оранд ва ба қабули қарорҳои сиёсӣ ва иҷтимоӣ, ки ба ҳифзи муҳити зист ва ояндаи инсоният равона шудаанд, таъсир расонанд.
Беш аз 1000 хонанда дар як мактаб. Дар кадом кишвари Осиёи Марказӣ мактаб намерасад?
Озодагӣ. Паёми коргардони ҷавон Алиҷон Ҷалилов ба бинанда
Се ҷудокори тоҷик дар 5-гонаи беҳтарини радабандии ҷаҳонӣ
Суғд. Мусодираи наздики 30 силоҳи сард аз як ҷавон дар доираи амалиёти "Корд"
Пагоҳ Эмомалӣ Раҳмон ба Остона меравад
Баъди 5 сол. Пас аз садамаи мошин дар кӯҳҳои Помир як лоиҳаи маъруфи телевизионӣ пеш аз муҳлат ба анҷом расид
Дар Душанбе боз як ронандаи таксӣ дар ҳолати мастӣ боздошт шуд
Дар Русия тасдиқи шахсият зимни харидани симкорт талаб хоҳад шуд
“Шоири шумо будан ҷазост”. Рӯнамоии гулчини ғазалиёти Гулрухсор бо номи “Хонаи дарё” дар Душанбе
Дар вилояти Маскав 2 ноболиғи шаҳрванди Тоҷикистон зери чархи мошини корманди БДА монданд
Кулли ахбор
Авторизуйтесь, пожалуйста