Корманди филиали ширкати Innovative road solutions (IRS) Ниёзқул Қулов ҳангоми тозакунии роҳи мошингарди Душанбе-Чаноқ зери тарма монд.
Тавре аз филиали ширкати мазкур хабар доданд, санаи 13 марти соли 2012 пас аз гирифтани иттилоъ оиди фаромадани тарма ва баста шудани роҳ дар километри 118-ум усто Н.Қулов ҳамроҳи ронандаи экскаватор А.Ҷумъаев ба маҳалли ҳодиса мераванд. «Дар ҳарду тарафи тарма зиёда аз 10 мошин дармонда буд. Механизаторон роҳро барои гузариши мошинҳо тоза карда, аз пайи васеъ кардани қисми мошингузари роҳ аз барф мешаванд», - гуфтанд дар ширкат.
Ба иттилои манбаъ, дар ин ҳангом тармаи навбатӣ фаромада, экскаваторро зер мекунад ва усто Қулов Ниёзқулро, ки ба кори техника роҳбарӣ мекард, ба ҷарӣ мебарад. Ронандаи экскаватор А.Ҷумъаев осеб надид.
Зикр гардид, ки ҷустуҷўи Қулов Н. аз тарафи кормандони ширкат ва сокинони ноҳияи Айнӣ то ҳол натиҷае надодааст.
Дар ҳамин ҳол, дар филиали ширкат зикр карданд, ки то ҳанӯз ҳаракати мунтазами нақлиёт тавассути роҳи мошингарди Душанбе-Чаноқ барқарор нашудааст.
Ҳамакнун танҳо қитъаи аз километри 69 то 73-юм боқӣ мондааст, ки аз соати 6-00 субҳи имрўз механизаторон корро дар ин қитъа оғоз намуданд. Вале мутахассисон мегўянд бориши барфе, ки дирўз шабона ба амал омада буд, эҳтимоли зиёд боиси тармафароии такрорӣ дар аксари қитъаҳои тозакардашудаи роҳ гардад.
Дар ширкат ҳамчунин гуфтанд, пас аз тоза кардани қитъаи роҳ аз километри 45 то 62-ум гузариши корвони мошинҳоеро, ки теъдодашон зиёда аз 70 адад буду дар мавзеи Майхура қарор доштанд, ба самти Душанбе таъмин карда шуд.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста