Садама шаби гузашта тахминан соати 4-и субҳ дар хиёбони Рӯдакии шаҳри Душанбе, наздикии Донишоҳи омӯзгорӣ рух дод.
Маркази матбуоти Вазорати корҳои дохилии Тоҷикистон хабар медиҳад, ки ронанда ва ду мусофири автомашинаи “Ленд Крузер-200” дар ҳолати мастӣ қарор доштаанд. Мастӣ аз чист, маълум нест.
“Автомашинаи истеҳсоли хориҷӣ, ки бо суръати баланд дар хиёбони Рӯдакӣ ҳаракат мекард, ба автомашинаи КамАЗ бархӯрд. Мошинро муовини прокурори ноҳияи Фирдавси пойтахт Ислом Анварзодаи 29-сола идора мекард”, - хабар медиҳад Вазорат.
“Мусофири дохили автомашинаи мазкур Баҳром Ғафурӣ, соли таваллудаш 1976, сароянда, дар ҷойи ҳодиса ба ҳалокат расидааст”, - омадааст дар хабар.
Гуфта мешавад, ронанда ва муофири дигар Зарипов Баҳодур, соли таваллудаш 1986, сокини деҳаи Кангурти ноҳияи Темурмалик ҷароҳатҳои ҷисмонӣ бардошта, дар беморхона бистарӣ гардидаанд.
![](https://asiaplustj.info/sites/default/files/articles/285783/%D0%B4%D1%82%D0%BF.jpg)
Зикр мегардад, ки баъди ташхиси тиббӣ муайян карда шуд, ки ҳамаи ин се нафари иштирокчиёни садамаи нақлиётӣ дар ҳолати мастӣ қарор дошта, аз рӯи ин ҳодиса таҳқиқ идома дорад.
Маросими чанозаи овозхон имрӯз соати 12:00 дар масҷиди “Ҳазрати Мавлоно” дар ноҳияи Рӯдакӣ доир мегардад.
Баҳром Ғафурӣ 29 феврали соли 1976 дар деҳаи Мавлонои ноҳияи Рӯдакӣ (собиқ Ленин) таваллуд шудааст. Таронаи аввалини худро бо номи “Парешон шудӣ, ай дил” ӯ ҳангоми соли аввали таҳсилаш дар Донишкадаи санъат сароида буд.
![](https://asiaplustj.info/sites/default/files/articles/285783/photo_2020-08-07_10-55-24.jpg)
Ӯ яке аз сарояндагонест, ки муддати 10 соли фаъолияти эҷодӣ ба мухлисонаш 19 албоми таронаҳояшро пешкаш кардааст “Милоди орзу”, “Ошиқи рӯят”, “Муҳоҷирбача” ва ғайра аз ҷумлаи онҳоянд.
Баҳром Ғафурӣ чандин маротиба ба дарёфти ҷоизаҳои “Ситораи сол” ва “Овозхони беҳтарин” шарафёб гардида, солҳои 2011 ва 2014 ду маротиба ба ҷоизаи маъруфи амрикоии Big Music Awards соҳиб шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста