Бар асари як садмаи нақлиётии мудҳиш субҳи 6-уми январ дар шоҳроҳи Хуҷанд-Исфара ронанда ва як мусофир дар ҷойи ҳодиса ҷон бохта, се тан аз мусофири дигар бо бардошти ҷароҳати ҷисмонӣ ба беморхонаи марказии ноҳияи Бобоҷон Ғафуров интиқол ёфтанд.
Дар ин бора як манбаъ аз Раёсати кумитаи ҳолатҳои фавқулода ва мудофиаи гражданӣ дар вилояти Суғд бо ирсоли чанд акас ба “Азия-Плюс” хабар дод. Манбаъ афзуд садама соати 6:40 дақиқаи 6-уми январ дар мавзеъи Арқаи ҳудуди ҷамоати деҳоти Хистеварзи ноҳияи Бобоҷон Ғафуров дар шоҳроҳи Хуҷанд-Исфара рух додааст.
“Мошини “Мерседес Бенс” ҳангоми ҳаракат аз самти Исфара ба Хуҷанд, ки онро ронандаи 18-солаи сокини ҷамоати деҳоти Чилгазии шаҳри Исфара идора мекард ба мошини “Дулан” бархурдааст. Ронандаи мошини боркаши “Дулан”, сокини ҷамоати деҳоти Оббурдони ноҳияи Мастчоҳ будааст”.
Ба гуфтаи манба бархӯрди мошинҳо ба ҳаде шадид будааст, ки барои берун овардани ҷасадҳо аз дохили мошини Мерседес Бенс зарур шудааст, ки ба наҷотдиҳандагони Раёсати ҳолатҳои фавқулода муроҷиат шавад.
Дастаи махсуси зудамали наҷотдиҳандагони вилояти Суғд ба ҷойи рафта корҳои наҷотдиҳии садамаи техногениро гузаронидаанд. Манбаъ афзуд, дар ҷойи ҳодиса маълум гардид, ки ҳангоми бархӯрд ронандаи автомашинаи “Мерседес Бенс” ва як мусофираш дар ҷойи ҳодиса ба ҳалокат расида 3 тан аз мусофири дигар ҷароҳати ҷисмонӣ бардоштаанд.
Дар ҳамин ҳол ҳувияти ронандаҳо ва нафарони ҳалокушда дар ин садамаи мудҳиш гуфта нашудааст. Аз Раёсати корҳои дохилӣ ва Бозрасии давлатии автомобилии Суғд ба "Азия-Плюс" гуфтанд, ки аз ин садама хабар надоранд ва ҳисобот давоми рӯз ба дасти онҳо мерасад. Сабаби садама ҳоло дақиқ нашудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Кулли ахбор
Авторизуйтесь, пожалуйста