Вазорати корҳои дохилии Тоҷикистон хабар медиҳад, ки дар ноҳияи Мир Саид Алии Ҳамадонии вилояти Хатлон дар натиҷаи як муноқиша як марди 28-сола ҷавони 22-солаеро куштааст. Аммо ин ниҳод далели муноқишаро нагуфтааст.

ВКД мегӯяд, ки гумонбар дар ҷинояти одамкуширо боздошт кардааст. Ба навиштаи ин ниҳод ҷавони 22-сола аз зарби 2 корд ба ҳалокат расидааст. 

"Номбурда,11-уми марти соли 2021, тахминан соати 20:20-дақиқа, дар назди бинои истиқоматиашон бо ҷавони 22-солаи сокини ҷамоати шаҳраки мазкур муноқиша намуда, бо корд 2 маротиба ба қисмати қафаси синааш мезанад. Дар натиҷа, ҷабрдида ҷароҳати вазнини ҷисмонӣ бардошта, дар ҷойи ҳодиса ба ҳалокат мерасад".

ВКД ному насаби гумонбар ва нафари кушташударо ошкор накардааст, вале гуфтааст алайҳи гумонбар бо моддаи 104 қисми 1 КҶ ҶТ парванда боз шудааст. 

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.