Бар асари фаромадани тарма дар мавзеи Шош-Хоруғи Вилояти Мухтори Кӯҳистони Бадахшон, чанд нафар ба ҳалокат расидаанд. Ҳодиса субҳи имрӯз рух додааст.
Дар ин бора як манбаъ аз ҷойи ҳодиса ба “Азия-Плюс” хабар дод.
Ба гуфтаи ӯ, дар пайи ин ҳодиса, дастикам 4-5 нафар ба ҳалокат расидаанд. Дар ҳамин ҳол, ин манбаъ гуфт, ки то ҳол маълум нест, ки онҳо сокинони ин маҳалла ҳастанд ва ё меҳмонон аз манотиқи дигар.
"Ду нафари фавтидагон дар роҳ ба бемористон ба ҳалокат расидаанд. Аз субҳ боз дар саросари Хоруғ нерӯи барқ ва об нест", - афзуд манбаъ.
Дар ҳамин ҳол, портали Your.tj бо такя ба манобеи худ хабар медиҳад, ки дар ин ҳодиса се нафар ба ҳалокат расидаанд.
Радиои Озодӣ бошад бо такя ба КҲФ хабар дод, ки ду нафар дар зери тарма ба ҳалокат расидааст.
Умеда Юсуфӣ, сухангӯи Кумитаи ҳолатҳои фавқуллода ба Радиои Озодӣ гуфтааст, ки ҳодиса субҳи имрӯз дар кӯчаи Носири Хусрав рух дод ва ҳоло наҷотбахшон дар маҳалли ҳодиса қарор доранд.
“То ин соат 7 сокин, бо шумули як кӯдаки 5 сола, аз зери тарма берун кашида шудаанд. Ду нафари дигар ба ҳалокат расидааст. Ҷустуҷӯйи сокинони дигар идома дорад”, - гуфтааст Умеда Юсуфӣ.
Ба гуфтаи ӯ, тарма ба хатти нерӯи барқ низ осеб расонда, шаҳри Хоруғро бе барқ гузоштааст.
Дар ҳамин ҳол, сомонаи расмии КҲФ ва МГ менависад, ки дирӯз, 14-уми феврал, дар километри 8-уми роҳи мошингарди Хоруғ – Роштқалъа низ як мошин бо даҳ мусофир ва ронанда зери тарма мондаанд. Дар ин ҳодиса талафоти ҷонӣ набудааст, вале ҳамаи мусофирон ҷароҳат бардоштаву ба бемористон интиқол дода шуданд.
Гуфта мешавад, ки ҳодисаи мазкур дар деҳаи Шодии ҷамоати деҳоти Гадоалиеви ноҳияи Роштқалъа рух додааст ва тарма мошини “Toyota-микроавтобус”-ро бо ронанда ва 10 мусофираш ба соҳили рӯди Шоҳдара партоб кардааст.
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Кулли ахбор
Авторизуйтесь, пожалуйста