Шахсияти марде, ки дар яке аз кӯчаҳои шаҳри Душанбе як ҷавонзанро лату кӯб ва маҷбуран ба автомашина савор мекард, муайян гардидааст. Ӯ Наимҷон Дадабоев аст. Дар ин бора РВКД дар шаҳри Душанбе хабар медиҳад.
Навори латукӯб ва иҷборан ба мошин савор кардани зан рӯзи 22-юми март дар шабкаҳои иҷтимоӣ паҳн шуд ва корбарони шабакаҳои иҷтимоӣ аз мақомоти милитсия дархост карданд, ки ҳодисаи мазкур санҷиш ва дар доираи қонун чораандешӣ карда шавад.
Милитсияи пойтахт хабар медиҳад, ки дар натиҷаи гузронидани як қатор чорабиниҳои оперативӣ-ҷустуҷӯӣ маълум гардид, ки ҳодисаи мазкур субҳи рӯзи 22-юми март рух дода, Наимҷон Дадабоев дар боғи кӯчаи Роҳи нав бо собиқ ҳамсари худ муноқиша намуда, тартиботи ҷамъиятиро дағалона вайрон кардааст.
“Дадабоев Наимҷон бо мақсади дидорбинии фарзанди хурдсол ва таҷлили ҷашни Наврӯз зимни сайру гашт дар боғи кӯчаи Роҳи нав бо собиқ ҳамсари худ муноқиша намуда, тартиботи ҷамъиятиро дағалона вайрон кардааст. Ҳамзамон номбурдаро зери лату куб қарор дода, маҷбуран ба воситаи нақлиёт савор кардааст”, - омдааст дар иттилоияи милитсияи пойтахт.
Ба иттилои РВКД дар шаҳри Душанбе айни замон гумонбаршаванда Наимҷон Дадабоев дар ҷустуҷӯ қарор дошта, оид ба ҳодисаи мазкур санҷиш идома дорад.
Ёдовар мешавем, ки муноқиша ва латукӯби ҳамсар дар хиёбонҳои шаҳр ҳодисаи нав набуда, дар гузашта низ борҳо рух додааст. Сокинон ва корбарони шабакаҳои иҷтимоӣ дар робита ба чунин ҳолат вокуниши тунд нишон дода, аз мақомоти марбут дархости боздошти латукӯбкунандро мекунанд.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста