Душанбе. 4-уми июл. ОИ «Азия-Плюс» - Кормандони шӯъбаи милисаи фурудгоҳи шаҳри Хуҷанд аз кӯшиши навбатии интиқоли маводи сахттаъсири ҳероин ба хориҷи кишвар ҷилавгирӣ карданд.

        Сардори маркази матбуоти Вазорати корҳои дохилии (ВКД) ҶТ Маҳмадулло Асадуллоев ба ОИ «Азия-Плюс» хабар дод, ки чанде қабл ба гумони даст доштан дар ҷурми интиқоли маводи мухаддир ба хориҷи кишвар сокини ноҳияи Мастчоҳ Мирзоаҳмад Сафарови 34-сола боздошт гардид.

       «Боздоштшуда дар бағочи худ ният дошт 2 килову 330 грамм ҳероинро бо сайрхати «Душанбе-Санкт-Петербург» ба хориҷи кишвар интиқол диҳад», - изҳор дошт намояндаи ВКД ҶТ.