Душанбе. 8-уми июл. ОИ «Азия-Плюс» - Кормандони посгоҳи гумрукии «Панҷи Поён» кӯшиши интиқоли ғайриқонунии маводи мухаддиррро аз Афғонистон ба қаламрави Тоҷикистон пешгирӣ намуданд.

Аз Хадамоти гумруки назди ҳукумати ҶТ ба ОИ «Азия-Плюс» хабар доданд, ки ҳангоми азназаргузаронии бағочи шаҳрванди Афғонистон Наҷиб Муҳаммад Назар дар дохили лӯлаи (шланги) резинӣ ба миқдори 4 килову 800 грамм маводи сахттаъсири героин дарёфт ва мусодира карда шудааст.

«Қочоқчӣ ба ҳабс гирифта шуда, нисбат ба аъмоли ӯ парвандаи ҷиноӣ оғоз гардидааст», - изҳор дошт манбаъ.