Душанбе. 30-уми июл. ОИ «Азия-Плюс» - Ёвари вазири корҳои дохилии Тоҷикистон Маҳмадалӣ Шафоатов изҳор дошт, ки аҳли ҷомеаи Тоҷикистон бояд ба фаъолияти ҷараёни мазҳабии салафия роҳ надиҳанд, зеро он рӯз то рӯз густариш ёфта, минбаъд
метавонад аз ҷониби нерӯҳои ифротгаро истифода гардад ва ба амну суботи кишвар хатар эҷод намояд.
«Салафиён тарзи хоси эътиқод ба дину мазҳаб ва ҳаётро талқин месозанд ва то ҳол ба ҳеҷ амали ғайриқонуние даст назадаанд, - гуфт ӯ. - Аз нуқтаи назари маънавият ва ахлоқ ин ҷараён мӯҷиби хатар ба амнияти кишвар шуда метавонад, зеро имрӯзҳо аксари ҷавонон ба он пайваст мешаванд».
Мавсуф зикр кард, ки айни замон Шӯрои ҳамоҳангсози назди Додситонии кулл фаъолияти ин ҷараёнро мавриди таҳқиқу омӯзиш қарор додааст.
Дар нишасти матбуотии ахир додситони кулли ҷумҳурӣ Бобоҷон Бобохонов чунин изҳори ақида намуд, ки «агар даст доштани салафиҳо дар фаъолияти зиддиконститутсионӣ собит гардад», додситонӣ ҷиҳати манъи фаъолияти он ва ба рӯйхати созмонҳои ифротгаро дохил кардани ин ҷараён ба Додгоҳи Олӣ муроҷиат хоҳад кард.
Тибқи маълумоти ғайрирасмӣ, айни замон беш аз 20 ҳазор нафар тоҷикистониён шомили ин ҷараёнанд, ки роҳбарии онро Муҳаммади Раҳматулло ба дӯш дорад.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста