Шурӯъ аз имрӯз бо қарори суди ноҳияи Исмоили Сомонӣ парванда оид ба тафтишоти судии аризаи даъвогии сокини ноҳияи Рӯдакӣ Файзиддин Азизов нисбат ба ҳафтавори «Фараж» ва муаллифи мақолаи «Даҳшат дар суди Рӯдакӣ: «Мерседес» - 22 000 ҳазор доллар» (ҳафтавори «Фараж» аз 17-уми августи соли 2011), хабрнигори ҳафтавор Зевар Шарифова қатъ карда шуд.
Дар суҳбат бо хабарнигори ОИ «Азия-Плюс» сардабири ҳафтавори «Фараж» Хуршеди Атовулло дар робита ба ин масъала гуфт, қатъи тафтишоти парванда бинобар сабаби аз шикоят даст кашидани даъвогар рӯйи кор омадааст. Дар ҳамин ҳол, Х.Атовулло сабаби аз даъво даст кашидани Ф.Азизовро намедонад.
Ёдрас мекунем, ки моҳи сентябри соли гузашта Азизов бо аризаи даъвогӣ нахуст ба суди ноҳиявии маҳалли иқомат ва ҳамчунин ба суди ноҳияи Фирдавсии пойтахт муроҷиат кард. Дар ариза ҳафтанома ба паст задани шаъну эътибор ва мартабаи корӣ гунаҳкор дониста мешуд. Даъвогар нашрия ва журналист Зевар Шарифоваро дар паст задани шаъну шараф ва эътибори кории айбдор дониста, хостори пардохти 500 ҳазор сомонӣ ҷуброни маънавӣ шуд.
Аммо чун ҳафтавори «Фараж» шахси ҳуқуқӣ нест, суди ноҳияи Фирдавсӣ даъвои ӯро рад кард. Сипас даъвогар ба Вазорати адлия муроҷиат кард ва дар навбати худ, Вазорати адлия даъворо ҷиҳати баррасӣ ба суди ноҳияи Исмоили Сомонӣ ирсол кард. Аз ин ҷо даъво бозпас гирифта шуд.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста