Додситонии вилояти Хатлон мегӯяд, ки наздик ба 300 қарори раисони шаҳру навоҳӣ дар ин вилоятро бекор кардааст, ки 85 дар сади онҳо марбут ба тақсими нодурусти замин мебошанд. Соли 2020 дар асоси санҷишҳои додситонӣ дар вилоятӣ Хатлон 271 қарори раисони шаҳру ноҳияҳои вилоят бекор карда шудаанд.

Варқа Зайниддин ёрдамчии додситони вилояти Хатлон зимни нишасти матбуоти гуфт, ки қарорҳои бекоршуда дар қиёс ба соли 2019, 57-то зиёд мебошад. Номбурда ҳамчунин илова кард, ки 46 фоизи қарорҳои бекоршуда ба раисони феълан амалкунанда таълуқ дошта 85 фисадашон вобаста ба замин мебошад.

Вобаста ба замин 391 парвандаи ҷиноятӣ, аз ҷумла нисбати 112 нафар шахсони мансабдор боз шудааст. Дар асоси санадҳои эътиноии додситонӣ 4 ҳазору 120 гектар замине, ки ғайриқонунӣ тақсим шудааст ба ҳолати аввал баргардонда шудаанд, мегӯяд додситонии вилоят.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.