Ду корманди баландмақоми Вазорати молияи Тоҷикистон зимни гирифтани пора ба маблағи 3 ҳазор доллари ИМА дастгир шудаанд. Дар ин бора маркази матбуотии Оҷонсии зиддифасоди Тоҷикистон хабар медиҳад.
Манбаъ аз онҳо Далер Мирзоев, сардори шуъбаи иҷозатномадиҳии раёсати ҳуқуқи Вазорати молия ва Парвиз Наимов, сармутахассиси шуъбаи мазкур ном бурда гуфтааст, ки онҳо аз як шаҳрванд барои гирифтани иҷозатномаи машғул шудан ба фаъолияти идораи букмекерӣ 3 ҳазор доллари ИМА пора талаб кардаанд.
Ин ниҳод мегӯяд, ин ду масъули баландпояи Вазорати молия аз маблағи талабкарда пешакӣ 1000 долларашро гирифта, зимни гирифтани 2 ҳазор доллари дигар аз ҷониби кормандони Оҷонсии зиддифасод дастгир ва маблағҳо ҳамчун далели шайъӣ аз онҳо гирифта шуд.
Ҳамин тариқ, нисбати Далер Мирзоев ва Парвиз Наимов барои гирифтани пора бо маслиҳати пешакӣ аз ҷониби шахси мансабдор (моддаи 319 қисми 3 Кодекси ҷиноятии Ҷумҳурии Тоҷикистон) парвандаи ҷиноятӣ оғоз гардида, ба суд ирсол карда шуд.
Ин банди қонунгузорӣ, аз 5 то 10 соли зиндонро пешбинӣ мекунад.
Назари боздоштшудагон, наздикон ва вакили дифои онҳо маълум нест.
Аз Вазорати молияи Тоҷикистон низ дар суҳбат бо “Азия-Плюс” аз шарҳи бештари масъала худдорӣ карданд.
Боздошту расонаӣ кардани исми мансабдороне, ки бо порагирӣ айбдор мешаванд, таҷрибаи нав нест. Дар гузашта Оҷонсии зиддифасод танҳо аз боздошти кормандони сатҳи поёнӣ хабарҳо нашр мекард. Ин камтарин ҳолати боздошту расонаи кардани кормандони як вазоратхона аст.
Амалиёти “Нелегал-2024”. Зиёда аз 2 ҳазор муҳоҷир аз Русия хориҷ мешаванд
Дар Варзоб як ҷавони 26-сола мошини падарашро оташ зад
Идомаи имтиёзҳои андозӣ. Боз ба чанде аз корхонаҳои давлатӣ қарзҳояшон бахшида шуд
Иттиҳоми нав ва мӯҳри махфӣ дар парвандаи Аҳмади Иброҳим
Шоҳҷоиза ба “Моҳӣ дар шаст” дода шуд. Боз кадом филмҳо дар ҷашнвораи “Тоҷи Сомон” ҷоиза гирифтанд?
“Аудиокитоб” бо Субҳон Ҷалилов. Маснавии маънавӣ. Ҳикояи “Бино шудани кӯр ҳангоми қуръон хондан”
Исроил куштори Яҳё Синвор, роҳбари “Ҳамос”-ро тасдиқ кард
Дар Русия даст доштан дар муҳоҷирати ғайриқонунӣ ҷинояти вазнин дониста мешавад
Нигаронии ХБА аз сатҳи баланди қарзи давлатӣ дар саросари ҷаҳон
Эмомалӣ Раҳмон ба Турсунзода рафт. Кадом иншоот ба истифода дода шуд?
Кулли ахбор
Авторизуйтесь, пожалуйста