Вазъи саломатии Рустам Ашӯров, шаҳрванди Тоҷикистон, ки дар фурудгоҳи Кишинёви Молдова як марзбон ва як афсари амниятро ҳадафи тир қарор дода, чанд нафарро захмӣ кард ва дар ҷараёни амалиёти безараргардонӣ захмӣ шуда ба беморхона интиқол ёфт, хеле вазнин боқӣ мемонад. Дар ин бора хабаргузории ТАСС бо такя ба котиби матбуотии вазорати корҳои дохилии Молдова Диана Фетко хабар медиҳад.
Фетко ба ин расона гуфтааст, “аҳволи ҳамлагар ҳанӯз хеле вазнин аст, вай таҳти назорати пизишкон аст ва маъмурони интизомӣ посбонӣ мекунанд”.
"Қаблан сардори Бозрасии генералии пулиси Молдова Виорел Чернеутеану зимни нишасти матбуотӣ гуфта буд, ки Ашӯров аз музокира бо пулис худдорӣ кардааст ва ҳангоми ҳамла сахт маҷрӯҳ шудааст. Ба гуфтаи ӯ, Ашӯров дар бемористон, беҳуш, вале таҳти ҳимояти шадиди пулис аст", - менависад ин расона.
Мақомоти Тоҷикистон Рустам Ашӯровро, ки дар фурудгоҳи шаҳри Кишинёви давлати Молдова ду корманди ниҳодҳои қудратии ин кишварро бо истифода аз силоҳи худи онҳо кушт, яке аз дастандаркорони рабудани Шуҳрат Исматуллоев муаррифӣ карданд.
Прокуратураи генералии Тоҷикистон изҳор дошт, ки шаҳрванди дар фурудгоҳи шаҳри Кишинёв (Молдова) тирпароникарда ба бедарак шудани муовини раиси “Ориёнбонк” Шуҳрат Исматуллоев даст дорад.
Вазорати коҳои хориҷии Тоҷикистон иттилоъ дод, ки кормандони мақомоти ҳифзи ҳуқуқ ва сафорати Тоҷикистон дар Молдова (бо қароргоҳ дар Киев) барои ҳамкории мутақобила бо ҳамтоҳояшон аз Молдова ҷиҳати ошкор намудани ҳамаи ҳолатҳои ҳодисаи рухдода ба шаҳри Кишинёв фиристода шуданд.
Радиои Озодӣ навишт, ки Рустам Ашӯров соли 2012 барои ҳамла ва ғорати 100 ҳазор доллари саррофон ба 13 соли зиндон маҳкум шуда, баъдтар давраи ҳабси ӯ то 9,5 сол кам карда шуд. Як сарчашмаи наздик ба Додгоҳи шаҳри Душанбе гуфтааст, Ашӯров тақрибан ду сол пеш аз маҳбас баромадааст.
Тибқи қонунҳои Молдова, агар Рустам Ашӯров зинда монад, ӯро ҳабси абад интизор аст.
Ёдовар мешавем, ки Шуҳрат Исматуллоев 23-юми июни соли 2023 дар Душанбе рабуда шуд. Тибқи иттилои Вазорати корҳои дохилӣ, ӯро тахминан соати 20:10-дақиқа дар кӯчаи Закариёи Розии ноҳияи Исмоили Сомонии пойтахт ба мошин савор карда, ба самти ноҳияи Варзоб бурданд.
Дар ҳамин ҳол, наҷотбахшони Кумитаи ҳолатҳои фавқулода ва мудофиаи граждании Тоҷикистон дар дарёи Зарафшон мошини муовини раиси “Ориёнбонк” саворшударо мекобанд. Аммо то ҳол на мошин ва на худи Шуҳрат Исматуллоев пайдо нашудаанд.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста