Се рӯз пеш, 10-уми сентябр, дар шаҳри Шерози Ҷумҳурии Исломии Эрон муҳокимаи додгоҳии гумонбарони ҳамла ба масҷиди Шоҳчароғ оғоз шуд.
Дар пайи ин ҳамла, ки 13-уми августи соли 2023 рух дод, ду нафар кушта ва ҳафт нафари дигар маҷрӯҳ шуданд.
Ба гузориши хабаргузории “Меҳр”, дар курсии айбдорӣ се нафар - шаҳрванди Тоҷикистон Раҳматулло Наврӯзов, ки муттаҳами аслӣ маҳсуб мешавад, ҳамчунин шарикони ӯ Ҳабибулло Арабзода ва Амрулло Назарӣ, ки табаияташон гуфта намешавад, нишастаанд.
Намояндаи додситонии Шероз хостааст, ки Раҳматулло Наврӯзов дар ҷинояти дараҷаи аввал: бо иттиҳоми атеизм (шахси исёни Худо) ва узвият дар гурӯҳи террористии ДИИШ гунаҳкор дониста шавад. Додситонӣ аз додгоҳ хостааст, Наврӯзовро ба сахттарин муҷозот - ҳукми эъдом маҳкум кунад.
Дар мурофиаи аввал худи Раҳматулло Наврӯзов бозпурсӣ шудааст.
Ӯ гуфтааст, ки тавассути шабакаҳои иҷтимоӣ ба ДИИШ пайвастааст. Ба ӯ лақаби “Салмон Асламёр” дода шуд ва фармуд, ки ба Туркия равад. Вай аз Туркия ба таври ғайриқонунӣ вориди Эрон шуда, сипас ба Покистон ва аз онҷо ба Афғонистон рафтааст. Дар ин кишвар дар як урдугоҳи ҷангҷӯён тамрини низомӣ кардааст.
Ба гуфтаи ӯ, пас аз хатми тамриноти низомӣ ӯро ба Эрон фиристоданд ва муддате дар хонае дар паҳлӯи масҷиди Шоҳчароғ зиндагӣ кардааст.
Наврӯзов дар идома гуфт, ки мубаллиғони ДОИШ ба ӯ дастур додаанд, ки масҷидро оташ зада, намозгузоронро парронанд.
Дар натиҷа, ӯ бо бензин ба масҷид омадааст, вале пеш аз оташ задани қолинҳо боздошт шудааст. Ҳамлагар низ як автомат дошт ва ба ӯ муяссар шуд, ки 11 тир холӣ кунад. Дар натиҷа ду нафар кушта ва ҳафт нафари дигар захмӣ шуданд.
Ба навиштаи ин расонаи эронӣ, Наврӯзов гуфтааст, ки “ман гумон надоштам, ки маро дастгир мекунанд, гумон доштам, ки маро мекушанд. Ман теъдоди одамонеро, ки ба ҳадаф гирифта будам, ҳисоб накардам, ниятам то анҷоми тирдон идома додани амалиёт буд...”.
Санҷиши ин навиштаи хабаргузории “Меҳр” ва дурустии суханони Наврӯзов ғайриимкон аст.
ДИИШ масъулияти ҳамла дар Шерозро бар ӯҳда гирифт ва онро интиқом барои эъдоми ду ҷангҷӯи худ, ки барои ҳамлаи қаблӣ ба оромгоҳи Шоҳчароғ дар 26-уми октябри соли 2022 ба эъдом маҳкум шуда буданд, номид. Дар ҳамлаи аввал 13 нафар кушта ва 27 тани дигар захмӣ шуданд. Ду нафаре, ки дар ин ҳамла даст доштанд, як моҳ пеш эъдом шуда буданд.
Баъдан хабар расид, ки фарде, ки оташ кушодааст, зодаи Тоҷикистон Комрони Субҳон бо лақаби “Абу Оиша” будааст. Ӯ 23-сола буд. Пас аз чанд рӯзи боздошт Комрони Субҳон бар асари захмҳои бардоштааш дар бемористони Шероз даргузашт.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста