Додгоҳи шаҳри Бохтар ду масъули марказҳои дилхушии “Рауфӣ” ва “Лион”-ро барои вайрон кардани тартиботи ҷамъиятӣ ва иҷро накардани талаботи қонунии кормандони милитсия ҷиҳати танзими фаъолияти марказҳо 5 шабонарӯз ҳабси маъмурӣ кардааст.
Ба иттилои Раёсати ВКД дар вилояти Хатлон, шаби 28-уми майи соли 2024 зимни як чорабинии мақсаднок кормандони милитсия муайян кардаанд, ки дар маркази дилхушии “Рауфӣ” ва “Лион” дар шаҳри Бохтар қоидаҳои реҷаи кории шабона риоя нашуда, оромии аҳолии гирду атроф халалдор мегардад.
“Масъулини марказҳои дилхӯшии болозикргардида ба ҷои ислоҳи камбудиҳо новобаста аз огоҳӣ ва таъкиди кормандони милитсия ҷиҳати риояи талаботи шаҳрдорӣ ва иҷрои реҷаи корӣ фаъолияти хизматрасониро берун аз реҷаи муқарраргардида идома додаанд”, - таъкид мешавад дар хабари Раёсат.
Дар пайи ин, нисбати ду нафар – Фирдавс Бобоалиев, раиси маркази дилхушии “Рауфӣ” ва Абдувоҳид Алимов, маъмури маркази дилхушии “Лион” протоколи ҳуқуқвайронкунии маъмурӣ тартиб дода шуда, онҳо бо қарори додгоҳ 5 шабонарӯз ҳабс шудаанд.
Бояд зикр кард, ки санҷишу назорати кори марказҳои дилхуши дар шаҳри Бохтар пас аз интиқоди Маҷид Муминзода, раиси шаҳр пурзӯр гардид. Ӯ зимни нишасти матбуотӣ аз фаъолияти марказҳои дилхушии шаҳр танқид карда гуфта буд, ки фаъолияти онҳо минбаъд зери назорати қатъи гирифта мешавад ва дар сурати риоя накардани талаботи қонунгузорӣ ва қоидаҳои шаҳрдорӣ, нисбати онҳо чораҳои зарурӣ то ҳаддӣ маъни фаъолият андешида мешавад.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста