Ҳафтаи гузашта дар шаҳри Душанбе як гурӯҳи муташаккили нашъаҷаллоб иборат аз 4 нафар дастгир гардида, аз онҳо 179 килограмм воситаҳои нашъадори навъи "Ҳашиш" дарёфту мусодира карда шуд. Дар ин бора Раёсати ВКД дар пойтахт хабар медиҳад.
Ин ниҳод гуфтааст, ки ин гурӯҳ аз ҷониби шӯъбаи мубориза бар зидди гардиши ғайриқонунии маводи мухаддири Раёсати ВКД дар Душанбе боздошт шуданд.
“Дар ҷараёни тафтишот Исо Орифов ва Нуралӣ Назаров мустақиман дар пойтахт боздошт шуданд. Баъдан, пас аз чорабиниҳои фаврӣ-ҷустуҷӯӣ, ду ҳамсафи онҳо — Даврон Ҳакимов ва Алишер Кабиров боздошт шуданд”, - гуфта мешавад дар хабар.
Ба иттилои ин ниҳод, маводи мухаддир қисман дар Ҳисор зери замин пинҳон шуда буда, қисми дигараш дар Фархор ёфт шудааст. Гурӯҳи ҷиноӣ ният доштаанд, ки ин миқдор маводи мухаддирро ба хориҷи кишвар интиқол диҳад. Мушаххас ба кадом кишвар гуфта намешавад.
Милитсияи пойтахт мегӯяд, ки бар зидди боздоштшудагон тибқи қисми 4 моддаи 200 (Гардиши ғайриқонунии маводи мухаддир ё воситаҳои психотропӣ бо мақсади фурӯш) парвандаи ҷиноӣ оғоз шудааст. Тафтишоти пешакӣ идома дорад. Ба онҳо аз ҳашт то бист сол маҳрумият аз озодӣ таҳдид мекунад.
Дар нимсолаи аввали соли 2024 дар кишвар 3 тоннаю 96 килограмму 611 грамм маводи мухаддир мусодира шудааст, ки ин нисбат ба ҳамин давраи соли 2023 619 килограмм (25%) зиёдтар аст.
Қисми асосии маводи мухаддир дар вилояти Хатлон мусодира шудаанд, махсусан дар ноҳияҳои наздисарҳадӣ, ки маводи мухаддир бо қочоқ аз Афғонистон ворид мешаванд. Дар ин минтақа 1 тонна 381 килограмм маводи мухаддир мусодира шудааст, ки 44,6% аз ҳаҷми умумии маводи мусодирашуда дар кишварро ташкил медиҳад.
Ғайр аз ин, дар шаш моҳи аввали соли ҷорӣ дар Тоҷикистон 13 731 адад таблеткаи воситаҳои психотропӣ мусодира шуд, ки ин нисбат ба ҳамин давраи соли гузашта 4,6 маротиба зиёдтар аст (ба 10 776 адад зиёдтар).
Тоҷикистону Ӯзбекистон долони нави ҳавоӣ бунёд мекунанд
Бохти "Истиқлол" дар даври аввали Лигаи қаҳрамонҳои Осиё-2 дар Душанбе
Дар Олимпиадаи шоҳмот мунтахаби мардони Тоҷикистон Португалияро мағлуб кард
"Пештар обрӯяш бештар буд". Имрӯз омӯзгори тоҷик чӣ мақом дорад ва чӣ тавр онро баланд бардорем?
Ҷалби Олмон ба сохтмони “Роғун”. Эмомалӣ Раҳмон дар Остона чӣ гуфту чӣ шунид?
Боз бидуни шарҳ. Вохӯрии навбатии ҳайатҳои Тоҷикистону Қирғизистон оид ба муайян кардани хатти марз
Cохтмони 36 манзил барои осебдидагон аз офат дар Фархор дар арафаи анҷомёбист
Бидуни об ва бе шароити зист. Зиндагии муҳоҷирони экологӣ дар Тоҷикистон
“Биёрой рӯи заминро ба меҳр”. Бузургдошти ду чеҳраи илму адаби тоҷик дар Машҳад
"Ба ин гурӯҳҳо иртиботе надорем" “Душанбе Сити” пайдо шудани гурӯҳҳои шабҳанок аз номи бонкро шарҳ дод
Кулли ахбор
Авторизуйтесь, пожалуйста