Баъди 9 моҳи ҷудоӣ, наздикони Далер Шарифов, рӯзноманигори маъруфи зиндонии тоҷик тавонистанд бо ӯ мулоқот намоянд.
Тавре аз хонаводаи Далер Шарифов ба “Азия-Плюс” иттилоъ доданд, онҳо тавонистаанд рӯзи 10-ум ноябр баъди расман иҷозат додани дидорбинӣ бо зиндониён дар Муассисаи ислоҳии 3/6-и ноҳияи Ёвон бо Далер мулоқот намоянд.
Саида Қурбонова ҳамсари рӯзноманигор гуфт, ки вазъи саломатии Далер хуб ва аз дидорбинӣ хеле шод гардида буд.
“Ҳамроҳи фарзандон ба мулоқот рафтем. Саломатии Далер хуб аст, худро хуб ҳис мекунад ва аз чизе шикоят накард. Бо дидани фарзандон хеле шуҳол гардид. Мо низ хеле шодем, ки баъди моҳҳои тӯлонӣ ҳамдигарро дидему каме суҳбат намудем”.
Ҳамсари Далер мегӯяд, аз чизе шикоят намекунад ва танҳо ҳамон як хоҳиши ҳамешагӣ, ки барояш китоб барем то мутолиа намояд.
“Аз камбудие нагуфт, танҳо китоб фармоиш дод, ки барояш барем. Фармоиши ҳамешагии ӯ ҳамин овардани китоб аст. Дар маҳбас ҳам фақат китоб мехонад”, - илова кард Қурбонова.
Бояд қайд намуд, ки исми Далер Шарифов, рӯзноманигори зиндонии тоҷик миёни 378 маҳбусе, ки бо як фармони Эмомалӣ Раҳмон 30 октябр пас аз маросими расмии савгандёдкунӣ ба унвони президенти дигарбора интихобшуда, бахшида шуда буданд, набуд. Ин дар ҳоле буд, ки хонаваоди Далер ва ҷомеаи рӯзноманигорӣ интизор дошт Далер Шарифов шомили ин рӯйхат мешавад.
Ҳамсари Далер, рӯзи 4 ноябр дар суҳбат ба “Азия-Плюс” гуфт, ки Далер се моҳи дигар дар Муассисаи ислоҳии 3/6-и ноҳияи Ёвон мемонад. Ба гуфтаи Қурбонова, онҳо умед доштанд, ки номи Далер Шарифов низ дар рӯихати бахшидашудагон шомил мегардад, чун муҳлати адои ҷазои хеле кам дорад.
Хотиррасон мешавем, ки Далер Шарифов, 28-уми январи 2020 аз сӯйи Кумитаи давлатии амнияти миллӣ боздошт шуд ва додгоҳи ноҳияи Шоҳмансури пойтахт 16-уми апрел ӯро барои “барангехтани кинаву адовати милливу мазҳабӣ” муҷрим шинохту як сол равонаи зиндон кард.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста