Дар қароргоҳи Созмони Милали Муттаҳид рӯзи 25 январ ҷаласаи Гурӯҳи кишварҳои узви Созмони ҳамкории исломӣ (СҲИ) баргузор гардид, ки дар он номзадии Ҷумҳурии Тоҷикистон ҷиҳати узвияти ғайридоимии Шӯрои амнияти СММ барои солҳои 2028-2029 ҷонибдорӣ шуд.
Тавре ки Вазорати корҳои хориҷии ҷумҳурӣ хабар медиҳад, намояндаи доимии кишвар дар СММ Ҷонибек Ҳикмат зимни муаррифии номзадиии кишвар қайд кард, ки бо иштироки фаъол дар чорабиниҳо ва равандҳои гуногун дар доираи СММ, инчунин бо назардошти таҷрибаи беназири кишвар вақти он расидааст, ки Тоҷикистон барои касби узвияти ғайридоимӣ дар Шӯрои амнияти СММ барои солҳои 2028 - 2029 номзадии худро пешбарӣ намояд.
Гуфта мешавад, дар фарҷоми баррасии мавзӯи мазкур, кишварҳои узви СҲИ якдилона ҷонибдории худро аз номзадии Тоҷикистон барои касби узвияти ғайридоимии Шӯрои амнияти СММ барои солҳои 2028-2029 изҳор намуданд.
Шӯрои амнияти СММ мақоми доимо амалкунандаи Созмон буда, мутобиқи моддаи 24 Оинномаи СММ, таъмини сулҳу амнияти байнулмилалӣ ба дӯши он вогузор шудааст. Аз ҷумлаи шаш “мақоми асосӣ”-и СММ мебошад.
Созмони ҳамкории исломӣ созмони байнулмилалии кишварҳои исломист, ки айни замон 57 кишварро бо ҳудуди 1,5 млрд нафар аҳолӣ муттаҳид мекунад. Ҳамкорӣ байни давлатҳои мусулмонӣ, фаъолияти муштарак дар арсаи байнулмилалӣ ва расидан ба рушди устувор дар кишварҳои узви Созмон аз ҷумлаи ҳадафҳои СҲИ унвон мешаванд.
Ба ҳайати Шӯрои амнияти СММ 15 кишвари узв - 5 доимӣ ва 10 - ғайридоимӣ шомиланд, ки аз ҷониби Маҷмаи Умумии СММ ба муҳлати ду сол интихоб карда мешаванд. Аъзои ғайридоимии Шӯрои амният аз рӯи мавқеи ҷуғрофӣ интихоб мешаванд:
5 кишвар - аз давлатҳои Африқо ва Осиё;
1 кишвар - аз давлатҳои Аврупои Шарқӣ;
2 кишвар - аз давлатҳои Амрикои Лотинӣ;
2 кишвар - аз давлатҳои Аврупои Ғарбӣ ва дигар давлатҳо.
Аъзои доимии Шӯрои амнияти СММ, ки ҳуқуқи вето доранд, Чин, Русия, Британияи Кабир, ИМА ва Фаронса мебошанд.
Қобили зикр аст, ки зиёда аз 50 кишвари узви СММ то ҳол ягон маротиба узви Шӯрои амнияти Созмон набудаанд.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста