Рӯзи 22-юми августи соли равон Қосимҷомарт Токаев, президенти Қазоқистон бо сафари давлатӣ ба Тоҷикистон меояд. Дар ин бора ВКХ Тоҷикистон хабар медиҳад ва мегӯяд, ӯ бо даъвати Эмомалӣ Раҳмон, раисҷумҳури кишвар ба Тоҷикистон меояд.
Сафари давлатии Токаев рӯзҳои 22 ва 23-юм дар назар дошта шуда, дар доираи сафар музокироти сатҳи олии Тоҷикистону Қазоқистон дар шакли маҳдуд ва васеъ бо шумули ҳайатҳои ҳукуматӣ сурат хоҳад гирифт.
Токаев дар доираи сафари худ ҳамчунин бо Муҳаммадтоир Зокирзода, раиси Маҷлиси намояндагони Маҷлиси Олии Тоҷикистон ва Қоҳир Расулзода, сарвазири Тоҷикистон мулоқот хоҳад кард.
Манбаъ мегӯяд, дар доираи сафар бастаи калони ҳуҷҷатҳо барои имзо омода карда шудааст, ки ҳуҷҷати асосии он “Шартнома оид ба муносибатҳои иттифоқӣ” хоҳад буд.
Ҳамчунин, роҳбарони давлатҳо дар консерти тантанавӣ ба муносибати ифтитоҳи Рӯзҳои фарҳангии Қазоқистон дар Тоҷикистон иштирок хоҳанд кард.
“Дар чаҳорчӯби сафари давлатӣ дар пойтахти Тоҷикистон чунин чорабиниҳои дуҷонибаи канорӣ, аз қабили форуми тиҷоратӣ, конференсияи олимон, форуми занон, форуми ҷавонон, рӯзҳои синамои қазоқ, намоишгоҳи санъати тасвирӣ ва ҳунарҳои мардумии Қазоқистон, маросими ифтитоҳи нимпайкараи Абай Қунанбоев дар шаҳри Душанбе, инчунин консертҳо дар шаҳрҳои Бохтар ва Хуҷанд баргузор мегарданд”, - гуфтааст ВКХ Тоҷикистон.
Бодя гуфт, ки бори охир Токаев моҳи сентябри соли гузашта дар доираи Вохӯрии машваратии сарони давлатҳои Осиёи Марказӣ ва Ҷаласаи Шурои сарони давлатҳои муассиси Фонди байналмилалии наҷоти Арал ба Тоҷикистон омада буд.
Зимнан, 8-уми августи соли равон президенти Тоҷикистон, барои иштирок дар Вохӯрии машваратии сарони давлатҳои Осиёи Марказӣ ва Ҳамоиши якуми сарони давлатҳои Муколамаи “Осиёи Марказӣ ва Ҷопон” ба Қазоқистон сафар карда буд.
Душанбе чемпионати ҷудои ҷаҳон байни наврасонро пазироӣ мекунад
Қариб 600 нафарро дар Суғд барои ифлос кардани ҳаво ҷазо додаанд
Дар Истаравшан аввалин Фестивали байналмилалии ҳунармандӣ “Озар” мегузарад
Ҳамла бо корд ба муфтии Тоҷикистон дар назди масҷиди марказии Душанбе
Чаро мардон бештар худкушӣ мекунанд?
Хонаҳои нав ба осебдидагони офатҳои табиӣ. Эмомалӣ Раҳмон дар Сангвор ва Нуробод кадом иншоотро ифтитоҳ кард?
Додгоҳ Ботир Қодировро писари Шералӣ Ҷӯраев эълон кард
Гӯшту равған қимату орду тухм арзон. Соли равон нархи кадом маҳсулоти ғизоӣ боло рафт?
Русия ба Низоми ягонаи энергетикии Осиёи Марказӣ пайваст мешавад
Аз “дурӯғу “через” то “мусоидати болову поён” дар озмуни “Фурӯғи субҳи доноӣ китоб аст”
Кулли ахбор
Авторизуйтесь, пожалуйста