Кӯлоб. 27-уми октябр. ОИ «Азия-Плюс» - Анҷумани миллии сиёсатшиносони кишвар бо дастгирии молиявии UNDP ба татбиқи марҳилаи саввуми лоиҳа оид ба ом ӯ зиши намояндагони ма ҷ лисҳои вакилони халқи вилояти Хатлон огоз менамояд.

Тавре Ҷумъахон Олимӣ, раҳбари ташкилоти ҷамъиятии «Параллакс» ва аз мураббиёни ассосиатсия иттилоъ дод, ба ин марҳила як қатор ислоҳот ворид шудааст. «Агар дар ду марҳалаи гузашта танҳо вакилони маҷлисҳои вакилони халқи нохияҳо ба омӯзиш фаро гирифта шуда бошанд, пас ин навбат барои ширкат дар ин марҳилаи омӯзиш намояндагони маҷлиси вакилони халқи вилояти Хатлон, маҷлиси вакилони халқи шаҳри Кӯлоб низ ҷалб карда мешаванд» - гуфт ӯ ва қайд намуд, ки шарики иҷтимоӣ, вазифаҳои мақомоти маҳалии ҳокимият дар шароити мустақилият, механизмҳои таҳияи стратегияи рушди иҷтимоиву-иқтисодии минтақа, амалисозии ҳадаф ва вазифаҳои рушди ҳазорсола аз тарафи мақомоти маҳалӣ, коҳиши мизони фақр аз ҷумлаи мавзӯоти баррасишаванда унвон мешаванд.

Ба гуфтаи Олимӣ, дар ин давраи омӯзиши, намояндагони маҷлисҳои вакилони халқи навоҳии Шӯрообод, Румӣ, Ховалинг, Вахш ва Балҷувони вилояти Хатлон ширкат хоҳанд кард.