Вазъ дар шаҳри Хоруғ ором буда, мораторияи оташбас то соати 12-и рӯзи 27-уми июл дароз карда шуд. Дар ин бора хабарнигори ОИ «Азия-Плюс» аз Хоруғ хабар дод. Қаблан иттилоъ дода шуда буд, ки моратория то ахири ҳамин рӯз амал мекунад.
Ба гуфтаи хабарнигори ОИ «Азия-Плюс», ҳукуматдорон чун пешина таслимшавии гумонбаршудагон дар қатли генерал Абдулло Назаров ва супурдани аслиҳа аз ҷониби аъзои гурӯҳи мусаллаҳи ғайриқонуниро талаб доранд.
Ҳамчунин ҳукуматдрон тақозо доранд, ки то шоми имрӯз сангарҳое, ки дар як қатор маҳаллаҳои шаҳри Хоруғ ва даромадгоҳ ба маркази маъмурии ВМКБ сохта шудаанд, бардошта шаванд.
Ҷангиён ва аксари сокинони шаҳр ба супурдани гунаҳкорон ба ҳукумат розианд, вале танҳо пас аз аз хориҷ кардани нерӯҳои низомӣ, бозпас хондани нишонзанҳо (снайперҳо) аз мавзеъҳои гуногуни шаҳр ва кӯҳи атрофи шаҳри Хоруғ.
Хабарнигори ОИ «Азия-Плюс» узви комиссияи ҷамъиятиест, ки рӯзи 25-уми июл барои ошкор кардани шумори ҳалокшудагон миёни аҳолии осоишта таъсис дода шуд.
Тибқи маълумоти расмӣ, дар ҷараёни амалиёт 12 нафар кормандони сохторҳои қудратӣ ва 30 нафар ҷангиёни гурӯҳҳои мусаллаҳи ғайриқонунӣ ҳалок ва боз 40 нафар аъзои дастаҳои ғайриқонунӣ боздошт шудаанд. Миёни аҳолӣ талафоти ҷонӣ ба қайд гирифта нашудааст.
Дар ҳамин ҳол, бино ба иттилои ғайрирасмӣ, шумори ҳалокшудагон миёни аҳолии осоиштаи шаҳри Хоруғ аз 20 то 30 нафарро ташкил медиҳад.
Хабарнигор ҳамчунин хабар дод, ки шахсони номаълум аз дасти аҳолӣ телефонҳои моҳвораиро мегиранд, ки ягона воситаи иртибот бо Хоруғ аст. Муайян кардани шахсияти ин афрод ва бо кадом мақсад аз дасти аҳолӣ гирифтани телефонҳои моҳвораӣ муяссар нашуд, зеро алоқа бо хабарнигор қатъ гардид.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста