Собиқ сухангӯи намояндагии Хадамоти муҳоҷирати назди ҳукумати ҶТ Бахтиёр Сатторӣ, ки моҳи феврал бар асари ҳамла ба ӯ аз зарби корд ҷароҳат бардошта буд, аз бемористон рухсатӣ шуда, дар хонааш табобат мегирад.
Ёдрас мекунем, ки шоми 19-уми феврали соли ҷорӣ собиқ сухангӯи намояндагии Хадамоти муҳоҷирати ҶТ дар Русия Бахтиёр Сатторӣ дар шаҳри Маскав мавриди ҳамлаи афроди номаълум қарор гирифта, бо ҷароҳатҳои зиёд аз корд ба бемористон мунтақил шуда буд. Журналист тахминан соатҳои 23 аз манзили иҷорааш барои харидани тамоку ба берун баромада, мавриди ҳуҷуми шахсони номаълум қарор гирифт.
Тавре ба ОИ «Азия-Плюс» худи Сатторӣ иттилоъ дод, захмҳои шикам рӯ ба беҳбудӣ оварда, аммо захмҳои рӯй ҳоло ҳам мисли пештараанд. Ҳамчунин ӯ илова намуд, ки дар прокуратураи шаҳри Маскав ин қазияро баррасӣ доранд, аммо ӯ аз ҷараёни тафтишот огоҳ нест, зеро то ҳанӯз барои додани баёнот даъват нашудааст.
Дар мусоҳибаи нахусти худ пас аз ин ҳодиса ба радиои «Озодӣ» Бахтиёр Сатторӣ дархост намуда буд, ки атрофи ин қазия сарусадои зиёд барпо кардан лозим нест. «Ман наметавонам бигӯям, ки ба ин амал одамони ҳукумат даст задаанд ё дигарон. Шояд ин як иғвое аз ҷониби мухолифин буд», - тахмин зада буд Сатторӣ.
Тайи солҳои ахир Бахтиёр Сатторӣ ба ҳайси сухангӯи намояндагии Хадамоти муҳоҷирати Тоҷикистон дар Маскав ифои вазифа намуда, дар ҳамон ҷо шаҳрвандии Русияро соҳиб шудааст. Соли гузашта бо сабабҳои номаълум ӯ аз мансаб барканор гардида, ҳарчанд чандин маротиба ҷиҳати барқарор шуданаш дар вазифа бо мактуб ба президент Эмомалӣ Раҳмон муроҷиат карда бошад ҳам, дигар сари мансаб барнагашт. Сипас ӯ ба сафи мухолифини тоҷик пайваста, бо пешвои созмони мухолифи «Гурӯҳи-24» Умаралӣ Қувватов ҳамкориро оғоз намуд.
Қобили зикр аст, ки ҳомии ҳуқуқи Русия Николай Николаев ҳодисаи суиқасд ба ҷони собиқ сухангӯи намояндагии Хадамоти муҳоҷирати ҶТ дар Русия ва феълан мухолифи ҳукумат Бахтиёр Сатториро фармоиши сиёсӣ унвон кард.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста