Сафири Тоҷикистон дар Қирғизистон Олим Раҳимов имрӯз дар суҳбати телефонӣ ба хабарнгори ОИ «Азия-Плюс» тасдиқ намуд, ки сафоратхона дар Бишкек бо реҷаи муқаррарӣ фаъолият дошта, дар назди бинои сафоратхона ягон ҳодиса ё гирдиҳамоие ба вуқӯъ напайвастааст.
Дар робита ба вазъи кунунӣ дар марзи давоатии Тоҷикистону Қирғизистон сафир хотиррасон намуд, ки ҳанӯз соли 2008 сарони ҳарду кишвар Эмомалӣ Раҳмон ва Қурмонбек Боқиев дар бораи манъи роҳандозии фаъолияти хоҷагидорӣ дар минтақаҳои баҳсии марз то ба итмом расидани аломатгузорӣ дар он ба мувофиқа расида буданд.
Раҳимов мегӯяд, сарфи назар аз ин мувофиқа, дар сурати зарурат Тоҷикистон нисбати қирғизҳо ба гузаштҳо розӣ мешуд. «Дар сурати зарурат агар онҳо дар марз корҳои сохтмонӣ анҷом доданӣ мешуданд, мо муқобил набудем, вале қаблан ин масъаларо сари мизи гуфтушунид мувофиқа мекарданд, зеро чунин масъалаҳо набояд якҷониба, балки дар гуфтушунидҳои дуҷониба баррасӣ шаванд», - изҳор кард дипломати тоҷик.
Сафир мутмаин аст, ки то комилан ҳал нашудани масъалаи аломатгузорӣ дар марз, чунин муноқишаҳо дар манотиқи наздимарзӣ идома хоҳанд ёфт. «Мушкилоти аломатгузорӣ барои он ҳаллу фасл намешавад, ки дар ин масъала кишварҳо ба ду харитаи гуногун такя мекунанд», - афзуд О.Раҳимов.
Дипломати тоҷик аз шарҳи масъалаи ба Бишкек даъват шудани ҳамтои қирғизи худ худдорӣ варзид.
Рӯзи 14-уми январ дар хабари интишоршуда дар сомонаи намояндагии дипломатии Тоҷикистон дар Бишкек сафоратхона мавқеи худ нисбати ин қазияро изҳор намуд.
Дар ҳамин ҳол, нимаи дуюми имрӯз дар шаҳри Исфара вохӯрии навбатии роҳбарони нерӯҳои марзбонии Тоҷикистону Қирғизистон дар назар буда, ҷонибҳо бори дигар ба дарёфти роҳҳои ба эътидол овардани вазъ дар марз кӯшиш ба харҷ медиҳанд.
Бино ба маълумоти хабаргузории КирТаг, имрӯз дар ҷаласаи пӯшидаи Жогорку Кенеш (парлумони Қирғизистон) вазъи мавҷуда дар марзи Тоҷикистону Қирғизистон баррасӣ мешавад.
Вакили парлумони Қирғизистон Турсунбой Бакир углу дар ин робита зикр кардааст, ки «агар баррасии масъаларо ба дарозо кашем, заминҳои худро метавонем аз даст диҳем, зеро сокинони маҳаллии аз низоъҳо хасташуда аллакай манзилҳои худро тарк мекунанд».
Идомаи ҷанҷол дар ҲДТ. Усмонзода далелҳои иловагии худро ба Вазорати адлия пешниҳод кардааст
Маҳсулоти кишоварзии Тоҷикистон тозатарин дар ИДМ эътироф шуд
Як мард барои куштори ҳамзисташ 16 сол равонаи зиндон шуд
“Либоси миллиро бо меъёри шаръӣ пӯшед”. “Ҳимоят”-и муфтии Тоҷикистон аз тарҳи қонуни манъи "либоси бегона”
Қоҳир Расулзода бо рафти корҳои барқарорсозӣ дар ноҳияҳои Темурмалик ва Балҷувон шинос шуд
“Парвози ҳунар”. Таҷлили 70-солагии умр ва 50-соли фаъолияти эҷодии ҳунарпеша Бурхвалӣ Ғуломҳайдар
Дар роҳи “Душанбе-Чаноқ” ба равуои нақлиёти гаронвазн маҳдудият ҷорӣ шуд
Сафи муҳоҷирони корӣ аз Ӯзбекистон дар Русия сол то сол камтар мешавад
Даромади солона аз канали Қуштеппа дар Афғонистон 500 млн доллар арзёбӣ шуд
Дар роҳҳои Душанбе дурбинҳои худкор ва радарҳо фаъол мешаванд
Кулли ахбор
Авторизуйтесь, пожалуйста