Мақомоти ҳокимияти давлатии вилояти Суғд бо нашри аксҳо аз оқибатҳои муноқишаи ахир дар марзи Тоҷикистону Қирғизистон, аз созмонҳои байнулмилалӣ даъват кард, ки рӯйдодҳои рӯзҳои 14-17 сентябрро бо чашми ҳақбин ва аз рӯи воқеият баҳогузорӣ намоянд.
“Аксҳо аз минтақаҳои наздисарҳадии Исфарамарз бори дигар собит менамояд, ки қувваҳои низомии кишвари ҳамсоя аз тамоми намуди силоҳҳои вазнину оташфишони дар ихтиёрашон қарордошта деҳаҳои наздисарҳадии Тоҷикистон, иншооти мулкӣ ва хонаҳои истиқоматкунандагонро таҳти тирборон қарор додаву оташ задаанд.
Бо пешниҳоди аксҳо аз ҷойи воқеаҳои ахир аз созмонҳои байналмилалӣ ва таҳлилгарону коршиносони сатҳи минтақавию ҷаҳонӣ даъват карда мешавад, ки зери таъсири иғвою дасисаҳо ва дурӯғпарокании дастгоҳҳои таблиғотии кишвари ҳамсоя намонда, ҳодисаҳо ахирро бо чашми ҳақбин ва аз рӯи воқеият баҳогузорӣ намоянд”, - зикр мешавад дар изҳороти дафтари матбуоти раиси вилояти Суғд.
Рӯзи 18 сентябр дар гузаргоҳи сарҳадии “Гулистон” ҷаласаи навбатии гурӯҳҳои кории Тоҷикистон ва Қирғизистон баргузор шуд.
Дар мулоқот ҷонибҳо бори дигар бар зарурати бо роҳи гуфтушунид ҳал намудани масъалаҳои мавҷуда таъкид карданд. Ҳамзамон муҳим шуморида шуд, ки шартҳои оташбас риоя гардида, оқибатҳои даргириҳои марзӣ ҳарчи зудтар бартараф карда шавад.
Гурӯҳҳои корӣ ба мувофиқа расиданд, ки роҳҳо барои рафтуомад кушода шуда, ҳаракати нақлиёт таъмин гардад. Худи ҳамон рӯз роҳ ба самти Ҷамоати деҳоти Ворух боз шуд.
Вазорати корҳои хориҷии Тоҷикистон аз ҳалокати 28 нафар дар ҷараёни муноқишаи ахир дар сарҳади байни Тоҷикистону Қирғизистон хабар дод.
Бино ба маълумоти Вазорати тандурустии Қирғизистон, дар ҷараёни задухӯрди мусаллаҳона 59 нафар ҳалок шудаанд.
Бо амри президенти Қирғизистон Садир Жапаров имрӯз, 19-уми сентябр дар ин кишвар Рӯзи мотам эълон шудааст.
Ёдовар мешавем, ки дар натиҷаи даргирии марзӣ миёни Тоҷикистону Қирғизистон, ки 14-уми сентябр оғоз гардид, аз ҳарду ҷониб, даҳҳо нафар ба ҳалокат расидаву садҳо нафар ҷароҳат бардоштанд.
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
Кулли ахбор
Авторизуйтесь, пожалуйста