Қамчибек Ташиев, раиси Кумитаи давлатии амнияти миллии Қирғизистон гуфтааст, ки корҳо оид ба аломатгузории марзи Тоҷикистону Қирғизистон дар арафаи анҷомёбист.
Ба навиштаи хабаргузории kaktus.media, Ташиев дар ин бора зимни конфронсе дар шаҳри Ботканд изҳори назар кардааст.
“Дар ояндаи наздик, Худо хоҳад, мо ниҳоят масъалаи марзро бо ҳамсояҳо ҳал хоҳем кард. Дигар номуайянӣ нахоҳад буд - ин замини кист ва он чӣ аст. Ҳама чиз дар чаҳорчӯби қонун ҳал мешавад, ки чӣ мешавад ва ин ба мо имкон медиҳад, заминамонро чун гавҳараки чашм ҳифз кунем. Ин ҳам муваффақияти мо аст”, -гуфтааст ӯ.
Аммо Ташиев санаи мушаххасеро зикр накардааст.
Ҷониби Тоҷикистон дар робита ба ин хабар изҳори назар накардааст.
Бояд гуфт, тайи қариб як соли охир мақомоти Тоҷикистон ва Қирғизистон барои тавофуқ дар бораи марзи давлатӣ музокироти фаъол доранд. Қабл аз ин, дар моҳҳои август ва сентябри соли ҷорӣ низ ҷонибҳо чанд маротиба сари мизи музокира нишаста буданд. Аммо ҷузъиёти музокирот ошкор намешавад.
Охири моҳи август Садир Жапаров, раисҷумҳури Қирғизистон бори дигар оид ба “марҳилаи ниҳоӣ”-и баҳси марзӣ байни Тоҷикистон ва Қирғизистон гуфт, аммо санаи мушаххасро зикр накард. Ҳарчанд қаблан гуфта буд, ки то моҳи марти соли 2024 баҳси марзӣ ниҳоӣ мешавад.
Қаблан, охири моҳи июл, дар нишасти матбуотӣ раиси вилояти Суғд Раҷаббой Аҳмадзода хабар дода буд, ки 94% марзи давлатии Қирғизистон ва Тоҷикистон пурра муайян шудааст.
Ёдовар мешавем, ки дарозии умумии сарҳади Тоҷикистон ва Қирғизистон тақрибан 980 километрро ташкил медиҳад. Аз декабри соли 2002 музокираҳо оид ба марзи ду кишвар идома доранд. Аммо ҳал нашудани ин масъала борҳо сабаби муноқишаҳои сокинони маҳаллӣ ва низомиёни ду кишвар, аз ҷумла бо истифода аз силоҳи оташфишон шудааст.
“Чунин ҷашни зеборо дер боз интизор будем” Гузориш аз Наврӯзи Хуҷанд, ки дар он ҳама аз дӯстӣ мегуфтанд
Қурби доллар дар Тоҷикистон ба поинравӣ оғоз кард
Эмомалӣ Раҳмон гуфт, содироти маҳсулот аз Тоҷикистон ба бозорҳои Аврупоро густариш медиҳанд
“Зарбаи ҷиддӣ ба иқтисоди ҷаҳон”. Вокунишҳо ба фармони Доналд Трамп оид ба ҷорӣ кардани боҷи воридотӣ
Соли 2024 кишварҳои Осиёи Марказӣ аз USAID чӣ қадар кумак гирифтанд?
Нархи хадамоти интиқолу тақсимоти барқ ҳам гарон шудааст
Сокинони кишвар метавонанд як рӯз аз ташхиси тиббии ройгон гузаранд
Директори почтаи Ҳисор ба азхудкунии беш аз 100 ҳазор сомонӣ гумонбар аст
“Аудиокитоб” бо Субҳон Ҷалилов. Дардҳои гиреҳхӯрда. Ҳикояи “Вопасин афсона”
Бе “Занги охирин”. Донишҷӯёну хонандагони мактаб дар Тоҷикистон кай ба таътили тобистона мебароянд?
Кулли ахбор
Авторизуйтесь, пожалуйста