Душанбе. 8-уми июн. «Азия-Плюс» — | Муҳаббат Ҷӯраева ва Садриддин Саидов, ҳимоягарони рӯзноманигори ҳафтавори мустақили «Нури зиндагӣ» Маҳмадюсуф Исмоилов, тақозо доранд, ки ҳамаи ҷабрдидагон тибқи парвандаи бозшуда нисбати зерҳимояи онҳо бозпурсӣ карда шаванд.
Бино ба маълумоти Хадамоти мониторингии Анҷумани миллии васоити ахбори оммаи мустақили Тоҷиктион (НАНСМИТ), дар ҷараёни мурофиаи судӣ 22 нафар ҷабрдидагон ва шоҳидон бозпурсӣ шудаанд.
Бино ба иттилои раисикунандаи мурофиаи додгоҳӣ додрас Саодат Атоева, чанде аз ҷабрдидагон гуфтаанд, ки дар мурофиа иштирок карда наметавонанд ё онҳоро тавассути телефон хабар надодаанд. Дар посух ҳимоягар талаб кард, ки ҳамаи ҷабрдидагон бояд дар мурофиаи додгоҳӣ ҳузур дошта бошанд.
Дар навбати худ, айбдоркунандаи давлатӣ изҳор дошт, ки баргузории мурофиаи додгоҳӣ бидуни ҳузури ҷабрдидагон ҳам имконпазир аст. Ба ҳар ҳол, додрас Атоева ба ҷонибҳо гуфт, ки онҳо пешниҳодоти худро ба додгоҳ ироа намоянд ва додгоҳ онҳоро моҳиятан баррасӣ хоҳад кард. Ҷаласаи навбатии додгоҳӣ оид ба парвандаи рӯзноманигор Маҳмадюсуф Исмоилов имрӯз идома хоҳад ёфт.
Ёдрас мекунем, ки дар додгоҳи ноҳияи Ашти вилояти Суғд рӯзи 31-уми май таҳти раисии додрас Саодат Атоева ҷаласаи нахустини мурофиаи додгоҳии рӯзноманигори нашрияи мустақили «Нури зиндагӣ» (Душанбе), сокини ноҳияи Ашт Маҳмадюсуф Исмоилов оғоз гардид.
Даъвогарон 12 нафар кормандони мақомоти иҷроияи ҳокимияти давлатии ноҳияи Ашт мебошанд. Маҳмадюсуф Исмоилов шаш моҳ қабл ба ҳабс гирифта шуда, дар тавқифгоҳи муваққатӣ нигоҳ дошта мешуд. Ӯ тибқи чаҳор моддаи Кодекси ҷиноии ҶТ дар тӯҳмат, таҳқир, барангехтани кинаю адовати миллӣ, нажодӣ, маҳалгароӣ ва ё динӣ, ҳамчунин тамаъҷӯйӣ айбдор карда мешавад.
Сардабири нашрияи «Нури зинадагӣ» Ҷумъаи Мирзо мегӯяд, сабаби ба ҳабс гирифтани рӯзноманигор фаъолияти касбиаш аст. Ба гуфтаи ӯ, матолиби дар ҳафтаномаҳои «Нури зиндагӣ» ва «Истиқлол» чопшудаи Исмоилов вокунишҳои доманадореро ба бор овардаанд.
Қобили зикр аст, ки Маҳмадюсуф Исмоилов 50-сола буда, соҳиби се фарзанд аст. Номбурда бо дигар нашрияҳои ҷумҳуриявӣ низ ҳамкорӣ дошт.
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Кулли ахбор
Авторизуйтесь, пожалуйста