Душанбе. 8-уми июл. «Азия-Плюс» — Ҳамасола дар Тоҷикистон санаи 8-уми июлро ҳамчун ҷашни Рӯзи маъюбон ва пиронсолон таҷлил менамоянд. Имрӯз ба муносибати ин ҷашн дар шаҳри Душанбе намоишгоҳ - ярмаркаи маснӯъоти истеҳсолкардаи ашхоси дорои имконияти маҳдуд баргузор мешавад.
Тавре ба ОИ «Азия-Плюс» раиси Ҷамъияти маъюбони «Имконият»-и шаҳри Душанбе Асадулло Зикрихудоев хабар дод, чорабинии мазкур дар чаҳорчӯби амалисозии лоиҳаи муштараки ширкати Ассотсиатсияи дастгирӣ ва кӯмаки Ҷопон ва Иттиҳодияи миллии маъюбони Тоҷикистону Ҷамъияти маъюбони «Имконият»-и шаҳри Душанбе созмон дода мешавад.
«Дар намоишгоҳ – ярмарка маснӯъоти бо дастони ашхсои дорои имконияти маҳдуд офаридашуда ба маърази тамошо гузошта шуда, маблағи аз фурӯш бадастомада ба рушди минбаъдаи ҳаракати маъюбон равона хоҳад шуд», - таъкид сохт Зикрихудоев.
Номбурда афзуд, ҳадаф аз баргузории чунин чорабиниҳо дар он ифода меёбад, ки аъзои баробарҳуқуқ ва ҷудонашаванда будани ашхоси дорои имконияти маҳдуд дар ҷомеаро ба хубӣ дарк созем.
Қобили зикр аст, ки рӯзи 28-уми июни соли ҷорӣ Ҷамъияти маъюбони «Имконият»-и шаҳри Душанбе бо мақсади таблиғи фаъолияти ҳаракати маъюбон дар замони истиқлолияти Тоҷикистон таҳти унвони «Ҳаёт – ҳаракат аст» автомарафон доир намуд, ки дар он 25 нафар маъюбони фаъол аз гӯшаву канори ҷумҳурӣ ширкат варзиданд.
Бино ба маълумоти Вазорати меҳнат ва ҳифзи иҷтимоии аҳолии ҷумҳурӣ, айни замон дар Тоҷикистон ҳудуди 160 ҳазор нафар афроди дорои имконияти маҳдуд ба сар мебаранд. Дар пойтахти кишвар ин нишондиҳанда ҳудуди 12 ҳазор нафарро ташкил медиҳад.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста