Парвандаи ҷиноӣ нисбат ба созмондиҳандаи гурӯҳи таблиғотии занонаи созмони фаъолияташ дар қаламрави Тоҷикистон мамнӯъи «Ҷамоати Таблиғ» дар Сарбанд ба додгоҳ ирсол гардид.
Тавре ба ОИ «Азия-Плюс» сарёвари додситони вилояти Хатлон Толибҷон Азимов хабар дод, созмондиҳандаи гурӯҳи таблиғотии занона дар Сарбанд сокини шаҳри Қӯрғонтеппа Муродбек Қаландаров аст, ки ҳанӯз замони донишҷӯи Донишгоҳи давлатии ба номи Носири Хурави шаҳри Қӯрғонтеппа буданаш ба сафи созмони «Ҷамоати Таблиғ» шомил гардидааст.
«Дар ҷараёни тафтишот собит гардид, ки М. Қаландаров дар вохӯриҳои аъзои ин созмон ва густариши фаъолияти он дар вилояти Хатлон фаъолона ширкат варзида, маҳз ӯ созмондеҳи гурӯҳи таблиғотии занонаи созмони «Ҷамоати Таблиғ» ба шумор меравад. Ин гурӯх минбаъд «Мастурот» номгузорӣ шуд», - афзуд Т. Азимов.
М. Қаландаров мутобиқи моддаи 307, прим 3, қисми 2-и Кодекси ҷиноии ҶТ (даъвати оммавӣ ба тағйири сохти конститутсионии Ҷумҳурии Тоҷикистон бо роҳи зӯроварӣ) айбдор карда мешавад. Парвандаи ҷиноӣ нисбат ба М. Қаландаров ҷиҳати моҳиятан баррасӣ намудан ба додгоҳи Сарбанд ирсол шудааст.
Ёдрас мекунем, ки моҳи марти соли 2006 бо қарори Додгоҳи Олии ҷумҳурӣ фаъолияти созмони «Ҷамоати Таблиғ» дар қаламрави Тоҷикистон мамнӯъ эълон карда шуд. Моҳи июни ҳамин сол сокини шаҳри Қӯрғонтеппа Ҷаннатулло Абдураҳмонов барои таблиғти афкору ғояҳои созмони «Ҷамоати Таблиғ» ба муддати 3,5 соли зиндон маҳкум карда шуд.
Қаблан моҳи декабри соли 2009 додгоҳи вилояти Хатлон ҳамчунин 36 нафар ҳаммаслакони Ҷ. Абдураҳмоновро ба муддатҳои гуногун аз озодӣ маҳрум намуд. Моҳи марти соли гузашта бошад, мурофиаи додгоҳӣ нисбат ба 56 нафар ҷонибдорони созмони «Ҷамоати Таблиғ» дар шаҳри Душанбе ба анҷом расида, 23 нафар ба муддати аз 3 то 6 сол равонаи зиндон шуданд.
Боқимонда 33 нафар аъзои созмони «Ҷамоати Таблиғ» бо қарори додгоҳ ба миқдори аз 1 то 2 ҳазор нишондиҳандаи ҳисоб (як нишондиҳанда ба 35 сомонӣ баробар аст) ҷарима баста шуданд.
Мурофиаи додгоҳӣ нисбат ба парвандаи як гурӯҳи бузурги ҷонибдорони созмони «Ҷамоати Таблиғ», ки моҳи апрели соли 2009 дар яке аз масҷидҳои пойтахт боздошт шуда буданд, моҳи декабри ҳамон сол шурӯъ гардид.
Акс аз Reuters/Alexander Natruskin
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста