Душанбе. 22-юми август. «Азия-Плюс»- /Аваз Юлдошев/ — Шурӯъ аз 25-уми августи соли равон майдони «Дӯстӣ»-и шаҳри Душанбе шабона баста мешавад. Майдони мазкур ба гузашти низомӣ, ки ба муносибати таҷлили ҷашни 20-умин солгарди истиқлоли давлатии ҷумҳурӣ доир мегардад, омода карда мешавад.
Тавре ба ОИ «Азия-Плюс» котиби матбуотии шӯъбаи БДА-и РКД-и шаҳри Душанбе подполовники милиса Шерафган Латифов хабар дод, ҳаракати нақлиёт дар майдон дар давоми рӯзҳои аз 25-уми август то 5-уми сентябр аз соати 18 то 22 манъ карда мешавад.
«Ҳаракати нақлиёт дар қитъаи роҳи хиёбони Рӯдакӣ, шурӯъ аз буриши кӯчаи Фотеҳ Ниёзӣ то майдони «800-солагии Маскав» дар соати зикршуда баста мешавад», - гуфт ӯ.
Номбурда афзуд, шабона дар майдон машқу тамринҳои гузашти низомӣ баргузор мешаванд.
Ёдрас мекунем, ки ба муносибати таҷлили ҷашни 20-умин солгарди истиқлоли ҷумҳурӣ бо иштироки беш аз 10 ҳазор афсарону сарбозони Қувваҳои Мусаллаҳи Тоҷикистон дар шаҳри Душанбе гузашти низомии пуршукӯҳ доир мегардад.
Дар гузашт ҳамчунин воҳидҳои Гвардияи миллӣ, Сарраёсати нерӯҳои марзбонии КДАМ, Вазорати корҳои дохилӣ, Вазорати адлия ва ҷузъу томҳои Кумитаи ҳолатҳои фавқулодда ва мудофиаи граждании ҷумҳурӣ низ ширкат хоҳанд варзид.
Ба гузашти низомӣ сардори гарнизони Душанбе генерал-майор Латиф Файзиев фармондеҳӣ карда, онро вазири мудофиаи кишвар Шералӣ Хайруллоев қабул хоҳад намуд.
Ғайр аз ин, ба муносибати таҷлили ҷашни 20-умин солгарди истиқлоли ҷумҳурӣ дар тамоми марказҳои маъмурии вилоятҳо гузаштҳо баргузор мешаванд, ки дар онҳо то 1 ҳазор нафар афсарону сарбозони гарнизонҳои ҳарбии маҳаллӣ иштирок мекунанд.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста