Тӯли шабонарӯзи гузашта дар шаҳри Кӯлоб қимати бензини навъи АИ-95 то 7,1 ва АИ-92 то ба 6,8 сомонӣ боло рафт.
Бинобар афзоиши хароҷоти нақлиёт арзиши тамоми маводи ғизоӣ ба андозаи 10-15% зиёд шуд.
Коршиносони маҳаллӣ мегӯянд, танҳо қимати роҳкирои нақлиёти шаҳрӣ бетағйир – 1 сомонӣ боқӣ мондааст. Сабаби ин чунин шарҳ дода мешавад, ки дар шаҳр нисбат ба мусофирон шумори нақлиёти хусусусии мусофирбар бештар аст.
Нархи роҳкиро аз Кӯлоб то пойтахти ҷумҳурӣ низ 5-10 сомонӣ афзуд. Феълан вобаста ба сӯзишвории газ ё бензин истифода бурдани нақлиёт қимати он аз 25 то 40 сомониро ташкил медиҳад.
Дар ҳамин ҳол, аксари ронандагон ба сифати бензин шубҳа доранд. Дар мусоҳиба ба хабарнигори ОИ «Азия-Плюс» яке аз ронандагони «тангемка»-и нав гуфт, тайи 2-3 моҳи ахир ҳаҷми хароҷоти сӯзишвории автомашинаи ӯ зиёд шудааст ва ба ин шояд сифати пасти бензин таъсиргузор бошад.
Моҳи январи соли равон шӯъбаи минтақавии Агентии «Тоҷикстандарт» якчанд далели фурӯши бензини навъи АИ-80 ба ивази бензини АИ-92-ро ошкор кард.
Ронандагон мӯътақиданд, ки масъалаи пайдоиши бензини навъҳои АИ-92 ва АИ-95 дар нуқтаҳои фурӯши маводи сӯзишвориро мебояд санҷид, зеро Русия ба содироти навъҳои бензини дорои октанаи баланд моратория эълон кардааст. Русия бошад, таъминкунандаи асоси маводи сӯзишвории Тоҷикистон аст.
Дар ҳамин ҳол, сарфи назар аз болоравии шадиди қимати маводи сӯзишворӣ, кам шудани шумори автомашинаҳо дар кӯчаҳои шаҳри Кӯлоб ба мушоҳида намерасад.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста