Сайёҳони пиёдаи тоҷик аз вилояти Хатлон Азиз Раҷабови 65-сола маъруф ба «Ҳоҷӣ-пиёда» ва ҳамсафари ӯ Раҷабалӣ Сулаймонови 51-сола, ки аллакай муддати 4,5 моҳ дар қораи Осиё саёҳат доранд, тавассути ОИ «Азия-Плюс» аз Вазорати корҳои хориҷӣ ва Кумитаи миллии олимпии Тоҷикистон кӯмаки таъҷилӣ дархост намуданд.
Тавре Азиз Раҷабов тавассути телефон аз Аморати Муттахидаи Араб ба хабарнигори ОИ «Азия-Плюс» хабар дод, баъди бозгашт аз зиёрати қабри Ҳазрати Одам дар Шри-Ланка (Сарандеби қадим), дар пойтахти Ҳиндустон Кумитаи миллии олимпии ин кишвар ва актёри маъруфи ҳиндӣ, сиёсатмадор, продюсер ва ровии телевизион барои онҳо раводиди ройгон ба аморати Дубайро ташкил намуда, онҳо тавассути ҳавопаймо ба он ҷо раҳсипор шудаанд.
«Айни замон мо ба амортаи Абу-Дабӣ раҳсипор буда, бидуни кӯмаки ВКХ ва КМО ҶТ дар он ҷо ба бунбаст дучор мегардем, зеро барои ворид шудан ба Арабистони Саъудӣ раводид зарур аст», - иброз дошт ӯ ва таъкид намуд, ки чанд сол пеш ВКХ дар ҳамин ҳолат ба онҳо ёрӣ расонида буд.
Сайёҳон мутмаинанд, ки ин дафъа низ ВКХ ҶТ ба онҳо кӯмак мерасонад. Онҳо ният доранд, ки дар консулгарии Тоҷикистон дар АМА худро ба қайд гузошта, «хабарҳои хуш аз Ватанро интизор хоҳанд буд». «Шумо танҳо Ҳамрохон Зарифиро аз вазъи мо огоҳ кунед ва ӯ ҳатман ба мо кӯмак мераоснад», - дархост кард ҳоҷӣ Азиз Раҷабов.
Ёдрас мекунем, ки сафари ин сайёҳон 15-уми майи соли ҷорӣ бо зиёрати оромгоҳи файласуф ва шоир Мирсаид Алии Ҳамадонӣ аз Кӯлоб оғоз гардида, сипас онҳо пиёда бо хатсайри Кӯлоб-Душанбе - Қӯрғонтеппа – Панҷи Поён - Шерхон Бандар (Афғонистон) - Покистан - Ҳиндустон – Шри-Ланка ба сафар идома доданд. Ба барномаи сафар акнун ҳаҷҷи пиёда низ ворид гардид.
Маҳсулоти кишоварзии Тоҷикистон тозатарин дар ИДМ эътироф шуд
Як мард барои куштори ҳамзисташ 16 сол равонаи зиндон шуд
“Либоси миллиро бо меъёри шаръӣ пӯшед”. “Ҳимоят”-и муфтии Тоҷикистон аз тарҳи қонуни манъи "либоси бегона”
Қоҳир Расулзода бо рафти корҳои барқарорсозӣ дар ноҳияҳои Темурмалик ва Балҷувон шинос шуд
“Парвози ҳунар”. Таҷлили 70-солагии умр ва 50-соли фаъолияти эҷодии ҳунарпеша Бурхвалӣ Ғуломҳайдар
Дар роҳи “Душанбе-Чаноқ” ба равуои нақлиёти гаронвазн маҳдудият ҷорӣ шуд
Сафи муҳоҷирони корӣ аз Ӯзбекистон дар Русия сол то сол камтар мешавад
Даромади солона аз канали Қуштеппа дар Афғонистон 500 млн доллар арзёбӣ шуд
Дар роҳҳои Душанбе дурбинҳои худкор ва радарҳо фаъол мешаванд
«Салом, тобистон!»: чӣ гуна "Азия-Плюс" кӯдаконро шод кард
Кулли ахбор
Авторизуйтесь, пожалуйста