Беш аз 100 нафар шаҳрвандони Тоҷикистон, ки дар бозори «Садовод»-и шаҳри Маскав машғули коранд, дар номаи худ ба унвони сафири Тоҷикистон дар Русия Имомуддин Сатторов фаъолияти ташкилотҳои машғул ба масоили муҳоҷиронро маҳкум мекунанд. Муҳоҷирон мутмаинанд, ки ҳар кадоме аз ин созмону ташкилотҳо манфиатҳои худашро аз манфиатҳои муҳоҷирон боло мегузорад.
Дар мактубе, ки нусхааш ба идораи «Азия-Плюс» дастрас шуд, онҳо аз дипломат ҳимояти муҳоҷиронро дархост мекунанд. «Мо аз шумо ҳамчун шахси расмии давлати мо дархост карданием, ки аз ҳуқуқҳои мо нисбати ин ташкилотҳо ҳимоят кунед, зеро онҳо фикри ҳифзи ҳуқуқҳои моро надошта, илова бар ин, бо овоза кардани гӯё ба кори таҳқиркунанда машғул будани мо, ҳуқуқҳои моро поймол мекунанд. Дар куҷову чӣ кор карданро мо худ ҳаққи интихоб дорем», - омадааст дар мактуб.
Дар муроҷитанома ҳамчунин зикр мегардад, ки онҳо моҳҳо кор карда, вале музди меҳнаташонро гирифта наметавонистанд ва он замонҳо ин ташкилотҳо хомӯширо авло дониста буданд ва «чун имрӯз ҳоли мо рӯ ба беҳбудӣ овард, акнун моро мавриди ҳадаф қарор дода, тасдиқ мекунанд, ки мо ба имиҷи кишвар латма мезанем!», - қайд мешавад дар нома, вале дар он номи созмону ташкитлотҳое, ки аз он муҳоҷирон шикоят доранд, зикр нагардидааст.
Муҳоҷирон чунин навиштаанд: «Шумо намояндаи расмии кишвари моед ва танҳо сухани шумо барои мо арзиш дорад. Боқимонда дигар ташкилотҳо, ҳатто агар ғайриҳукуматӣ ҳам бошанд, ҳамеша манфиати худро аз ҳама чизу ҳама кас болотар мегузоранд».
Зери ин мактуб 150 нафар муҳоҷирони машғули кор дар бозори «Садовод»-и шаҳри Маскав имзо гузоштаанд, ки тоҷирону боркашонон ва афроди дигар касбу кор мебошанд.
Яке аз муҳоҷирони зери мактуб имзогузошта бидуни ифшои ному насаб ба «Азия-Плюс» дар ин робита иттилоъ дод, ки ахиран чанде аз намояндагони ташкилотҳои ҷамъиятӣ бори дигар хостааанд, ки аз ҳисоби муҳоҷирон «маблағе ба даст оранд», вале чун муҳоҷирон аз ин воқиф гаштаанд, бадномкунии онҳо оғоз гардидааст.
«Маҳз барои ҳамин мо ба сафири ҶТ дар Русия ҷиҳати фаъолтар будан дар чунин ҳолатҳо муроҷиат кардем, зеро он гунае, ки роҳбари Ҳаракати ҷамъиятии умумирусиягии «Муҳоҷирони меҳнатии тоҷик» Каромат Шарифов гуфтааст, аслан ин тавр нест, ин ҷо ҳуқуқҳои мо поймол намешаванд, мо дар шароити ғуломона умр ба сар намебарем», - иброз дошт ин муҳоҷир.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста