Моҳи майи соли 2015 Китобхонаи давлатии патентию техникии Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон 50-солагии Китобхонаро таҷлил менамояд.
Тавре аз МД «Маркази миллии патенту иттилоот»-и Вазорати рушди иқтисод ва савдои ҶТ хабар доданд, дар радифи ин чорабинӣ Китобхона иқдом гирифтааст, ки Конфронси байналмилалии соҳаи китобдорӣ дар мавзӯи «Китобхонаи давлатии патентию техникӣ -50 соли фаъолият, рушд ва дастовардҳо» (5-6 майи соли 2015) бо даъвати меҳмонон аз дохил ва хориҷи кишвар баргузор намояд.
Вобаста ба ин санаи таърихӣ Китобхона тасмим гирифтааст, ки як шумораи маҷаллаҳои «Китобдор» ва маҷаллаи Муассиса «Моликияти саноатӣ ва бозор»-ро ба сарпарастӣ гирифта дар он маводҳо доир ба кору фаъолият ва таҷлили 50 –солагии Китобхона гирд оварда ба чоп расонад.
Қобили зикр аст, ки дар давоми 2 соли охир аз ҷониби Китобхона ду конфронси умумиҷумҳуриявии соҳаи китобдорӣ дар мавзӯи «Сарватҳои иттилоотии китобхонаҳои Ҷумҳурии Тоҷикистон ва нақши онҳо дар рушди иқтисодиёт инноватсия ва маърифати ҷомеа» (с.2013) ва «Низоми фаъолияти китобхонаҳои электронӣ ва ташкили маъхазҳои иттилоотии интернетӣ дар Китобхонаҳои Ҷумҳурии Тоҷикистон» (с.2014) ва аввалин Озмуни умумиҷумҳуриявии «Китобдор, китобхона ва китобхонаи шахсии сол», ки (бахшида ба «Рузи китоб» санаи 4 сентябр) баргузор намуд, ки дар рушду нумӯи соҳаи фарҳанги кишвар саҳми арзанда гузошт.
Рисолати асосии Китобхонаи давлатии патентию техники, пеш аз ҳама, ҳамчун муассисаи фарҳангӣ ва иттилоотӣ дар ҷамъоварӣ, коркарди илмӣ, багурӯҳдарорӣ, ҳифзу нигоҳдорӣ, омӯзишу тарғиб ва истифодаи самараноки хазинаи муташаккили иттилоотӣ зоҳир гардида, барои мутолиаи хониши маъхазҳои иттилоотӣ ба хонандагони сершумори гуногунсоҳа шароит муҳайё месозад ва ҳамзамон бо истифода аз мероси гаронмояи миллӣ, осори гузаштагон, таърихи тамаддуни кишвар чиҳати баланд бардоштани фарҳангу маданият, худшиносию худогоҳии миллӣ саҳми назаррас мегузорад.
Айни замон хазинаи Китобхонаи давлатии патентию техникӣ 15,2 миллон нусхаро ташкил намуда ғайр аз ин ба хазинаи 52 милионаи Системаи патентию иттилоотии Авруосиё (ЕАПАТИС», Китобхонаи илмии виртуалии Тоҷикистон ва ғайра маъхазҳои гаронҳаҷм дастрасӣ дорад.
Кормандони Китобхонаи давлатии патентию техникии Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон бо меҳнати созанда ва бунёдкорона, кору фаъолият намуда дар рушду нумӯи соҳаи китобу китобдорӣ ва моликияти саноатӣ саҳми арзандаи худро ҳамеша мегузоранд.
Мансаби нави Шодӣ Ҳафиззода ва исми сардорони нави раёсатҳои ВКД дар Суғду Рашт. Боз киҳо мансаб гирифтанд?
Шоҳрух Саидзода сардори Раёсати ВКД дар шаҳри Душанбе таъин шудааст
Ҳар як кӯдаки сеюм дар Тоҷикистон ба серӣ хӯрок намехӯрад
Дар як рӯз ду навраси дигар дар об ғарқ шуданд. Тавсияҳои КҲФ дар мавсими оббозӣ
Душанбе то моҳи сентябри соли оянда пурра ба электромобил мегузарад
Шӯрои олимпии Осиё барои сохтмони майдони варзиши сабук дар Душанбе 1,5 млн сомонӣ медиҳад
Аз Урдун шикаст хӯрд. Тоҷикистон имкони роҳ ёфтан ба Ҷоми Ҷаҳон-2026-ро аз даст дод
Идомаи ҷанҷол дар ҲДТ. Усмонзода далелҳои иловагии худро ба Вазорати адлия пешниҳод кардааст
Маҳсулоти кишоварзии Тоҷикистон тозатарин дар ИДМ эътироф шуд
Як мард барои куштори ҳамзисташ 16 сол равонаи зиндон шуд
Кулли ахбор
Авторизуйтесь, пожалуйста