Таҳти унвони «Муҳаббати гумгашта» китоби собиқ диктори маъруфи телевизион, номзад ба вакилӣ дар палатаи поёнии парлумон дар интихоботи парлумонии соли 2005 Муаттара Ҷӯраева нашр шуд.
Олиябону Ҷӯраева, модари Муаттара Ҷӯраева ба «Азия-Плюс» дар ин робита иттилоъ дод, ки теъдоди нашри китоби духтараш 500 нусхаро ташкил медиҳад.
Собиқ ровии телевизион дар китоб қиссаи муҳаббати духтари озарбойҷонӣ ба ҷавони тоҷикро ба риштаи қалам кашидааст, ки солҳои ҷанги шаҳрвандӣ оилаи духтар аз Тоҷикистон кӯч баста, дилдодагон аз ҳамдигар ҷудо мешаванд, вале баъди фироқи тӯлонӣ боз бо ҳам рӯ ба рӯ меоянд.
Ба қавли модари Муаттара, китоб дар нашриёти «Андалеб» ба чоп расида, ӯ кӯшиш ба харҷ додаст, ки бо ин кор каме бошад ҳам, духтари дар маҳбас қарордоштаашро рӯҳбаланд намояд.
Ёдрас мекунем, ки рӯзи 17 марти соли равон суди ноҳияи Исмоили Сомонии пойтахт Муаттара Ҷӯраеваро ба 9 соли зиндони низомаш умумӣ маҳкум кард. Мутобиқи қонуни афв ба муносибати 20-солагии қабули Конститусия, сеяки муҳлати ҷазои ӯ кам шуда, акнун аз муҳлати ҷазои ӯ 5 сол боқӣ мондааст.
Баъди 2 моҳи содир шудани ҳукм, Муаттара Ҷӯраева аз тавқифгоҳи муваққатӣ (СИЗО)-и Вазорати адлия ба муассисаи ислоҳии занонаи шаҳри Норак гузаронида шуд.
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Даргузашти муҷассамасози шинохта Игор Иванов
Баъди супоридани нота Сергей Лавров ба Сироҷиддин Муҳриддин занг зад
Як “эстакада”-и Душанбе бо беш аз 28 млн евро қарзи БАТР сохта мешавад
Дар робита ба таҷлили Иди ғалаба ва Рӯзи ваҳдати миллӣ реҷаи корӣ тағйир меёбад
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Кулли ахбор
Авторизуйтесь, пожалуйста