Вазорати корҳои дохилии Русия тасмим гирифт, ки ду воситаи асосии қонунигардонии мақоми худро барои муҳоҷирон дар Русия бартараф кунад. Дар ин бора хабаргузории ТАСС бо истинод ба намояндаи расмии вазорат Ирина Волк иттилоъ медиҳад.

Ба гуфтаи ӯ, айни замон аз ҷониби Вазорат лоиҳаи қонуни федералӣ таҳия шудааст, ки ба такмили қонунгузории муҳоҷират дар самти аз байн бурдани истифодаи издивоҷҳои қалбакӣ ва муайян кардани ҳаққи падарӣ барои дарёфти ғайриқонунии мақоми муҳоҷират аз ҷониби шаҳрвандони хориҷӣ ва шахсони бешаҳрвандӣ дар қаламрави Русия нигаронида шудааст.

Гуфта мешавад, лоиҳаи қонуни мазкур дар ҳоли баррасӣ ва мувофиқа байни вазорату идораҳои дахлдор қарор дорад.

Дар ҳамин ҳол, зикр шудааст, ки дар зарфи 11 моҳи соли 2022 сохторҳои дахлдори ВКД Русия ҳудуди 400 санади иҷозатномаи иқомат дар Русияро, ки қаблан ба шаҳрвандони хориҷӣ дода шудааст, бекор карданд.

Ин санадҳо беэътибор дониста шуданд.

Қонуни амалкунанда "Дар бораи шаҳрвандии Федератсияи Русия" пешбинӣ мекунад, ки хориҷиён ва шахсони бешаҳрвандӣ ба қабули соддашудаи шаҳрвандии ин кишвар дар ҳолате довталабӣ карда метавонанд, ки бо шаҳрванди Русия ба муҳлати на камтар аз се сол дар издивоҷ қарор дошта бошанд ё фарзанди умумӣ дошта бошанд.

Дар Telegram, Facebook, Instagram, OK ва ВК бо мо бимонед.