Дар Москва ба ифтихори рӯзи мавлуди мутафаккири барҷастаи тоҷик Абӯалӣ Ибни Сино конфронси байналмилалӣ, баргузор мешавад, менависад Шӯрои ҷамъиятии назди Сафорати Тоҷикистон дар Русия.
Ба навишти манбаъ, конфронси мазкур рӯзи 20‑уми август дар шаҳри Москва барпо мешавад. Мавзӯи конфронс “Саҳми Ибни Сино дар ташаккули соҳаи тиб: осори илмӣ, таҷриба ва назария” будааст.
Дар ҳамоиш олимон ва муҳаққиқон, коршиносон, алоқамандони осори Ибни Сино, ординаторон, хонандагон ва донишҷӯёни муассисаҳои таҳсилоти тиббӣ, кормандони соҳаи тиб ва хабарнигорони васоити ахбори омма, иштирок менамоянд.
Ба иттилои манбаъ қарор аст дар ҳамоиш оид ба таҷрибаи амалии Ибни Сино дар илми тиб, андешаҳои фалсафавӣ ва педагогӣ, дидгоҳи гуманистии мутафаккир коршиносон ва муҳаққиқон суханронӣ намоянд.
Барои иштирок дар ҳамоиши мазкур, хоҳишмандон метавонанд тавассути линки зерин то санаи 15‑уми август соати 18:00 ба вақти Москва худро номнавис кунанд.
Абӯалӣ ибни Сино, 16‑уми августи соли 980, дар деҳаи Афшана наздики Бухоро ба дунё омадааст. Ӯро ҳамчун пизишк дар тамоми дунё мешиносанд ва аз осори ӯ дар соҳаи тиб истифода мекунанд. Ибни Сино ҳамчунин ахтаршинос, кимиёшинос, геолог, мантиқ, палеонтолог, риёзишинос, табииётшинос, шоир, равоншинос ва файласуфи тоҷик мебошад.
Абӯалӣ ибни Сино беш аз 450 рисолаи илмӣ навиштааст. Маъруфтарин асарҳои ӯ китобҳои “Ал-Шифо” ва “Қонун” ҳастанд, ки аз бузуртарин донишномаҳои илмӣ ва фалсафии ҷаҳон аст ва дар донишгоҳҳои Аврупо барои тадрис истифода мебаранд. Ӯро бо номи Авитсена дар тамоми ҷаҳон мешиносанд ва эътироф мекунанд.
“Заволи пиряхҳо” – филми мустанад оид ба хатари обшавии пиряхҳои Тоҷикистон
Бидуни журнали анъанавӣ. Дар кадом мактабҳои Душанбе истифодаи журнали электронӣ ҷорӣ шудааст?
Artel. Бузургтарин фабрикаи истеҳсоли техникаи маишӣ чӣ тавр фаъолият мекунад?
Дар Донишгоҳи миллии Тоҷикистон Стипендия ба номи Соҳиб Табаров таъсис дода шуд
Китоби “Тоҷикон”-ро нагирифтед? Аз ҳукуматҳои маҳаллӣ пурсед!
Корхонаи коркарди нафти Данғара шарик ва ашёи хом барои коркард меёбад?
“Аудиокитоб” бо Субҳон Ҷалилов. Маснавии маънавӣ. Ҳикояи “Тарсутар аз тарсу”
Далер Назаров ҷоизаи давлатӣ гирифт
Эмомалӣ Раҳмон бо сафари корӣ ба Суғд меравад. Кадом роҳҳои вилоят баста мешавад?
Дар Қирғизистон “Толибон”-ро махфиёна аз рӯйхати созмонҳои террористӣ хориҷ карданд
Кулли ахбор
Авторизуйтесь, пожалуйста