Шаҳрвандони Тоҷикистон дар шабакаи иҷтимоии Фейсбук шикоят доранд, ки барои дарёфти раводиди Амороти Муттаҳидаи Араб (АМА) бо мушкил рӯбарӯ шудаанд. Онҳо мегӯянд, ду ҳафта инҷониб ба дархости онҳо посухи рад дода мешавад. Ширкатҳои сайёҳӣ низ тасдиқ мекунанд, ки барои шаҳрвандони Тоҷикистон чунин мушкил пеш омадааст, аммо мақомоти дахлдор расман шарҳ намедиҳанд. Вазорати корҳои хориҷии Тоҷикистон мегӯяд, аз мушкил огоҳ аст ва онро пайгирӣ дорад.
Шикояти шаҳрвандони Тоҷикистон аз мушкили дарёфти раводиди АМА чанд рӯзи охир хеле зиёд шуд. Чандин нафар дар шабакаҳои иҷтимоӣ навиштанд, ки ин кишвар ба дархости онҳо ҷиҳати дарёти раводид бидуни шарҳе посухи рад медиҳад.
Ин мушкилро намояндагонни чанд ширкати сайёҳӣ низ тасдиқ карданд. Як масъули ширкати сайёҳии “Prestige Tour” дар сӯҳбат бо “Азия‑Плюс” гуфт, ки ҳоло танҳо дархости раводиди мардҳо рад шуда истодааст.
“Муддати 15 рӯз аст, ки шаҳрвандони Тоҷикистон бо ин мушкил рӯбарӯ шуданд. Агар аҳли хонавода дархост пешниҳод кунандЮ, раводид дода мешавад, аммо агар мардҳо танҳо дархост пешниҳод кунад, рад мекунанд. То ҳол сабаби рад шудани дархостҳоро шарҳ надодаанд, вале аз сафорат ба мо гуфтанд, ки шаҳрвандоне, ки ҳатто як соат аз муҳлати раводидашон гузаштагӣ аст, дархосташон рад мешавад”, ‑ гуфт масъули ин ширкат.
Дар ширкати сайёҳии “Adras Travel” низ гуфтанд, ки танҳо ба мардҳо раводид намедиҳанд ва занҳову духтарҳо ва оилаҳо бе мушкилӣ раводидро гирифта истодаанд. Масъулини ин ширкат низ мегӯянд, ки мақомот сабаби рад шудани дархости мардҳоро барои дарёфти раводид шарҳ надодаанд.
“Имрӯз як мард бо ҳамроҳи зану фарзандонаш барои дарёфти раводид муроҷиат карданд, ҳатто ба онҳо низ гуфтанд, ки кафолат намедиҳанд. То ҷое мо фаҳмидем, гӯё дар Дубай шаҳрвандони тоҷикеро пайдо кардаанд, ки бе ҳуҷҷат дар таҳхонаҳо фаъолият мекардаанд. Мегӯянд, ки ба ҳамин хотир дигар ба мардҳо дар танҳоӣ раводид намедиҳанд. То ҳол шарҳи расмӣ мо дарёфт накардаем ва намедонем, ки чаро дархости мардҳо рад мешавад”, ‑ гуфтанд дар ширкати мазкур.
Дар Вазорати корҳои хориҷии Тоҷикистон ба “Азия‑Плюс” гуфтанд, ки аз мушкилии дарёфти раводиди АМА огоҳ ҳастанд ва онро пайгирӣ карда истодаанд.
“Дар робита ба ин масъала дар ҷараён ҳастем ва барои шарҳи бештар ба ҷониби АМА муроҷиат намудем, интизори посухи онҳо мебошем”, ‑ гуфтанд дар ВКХ.
Бояд гуфт, нархи раводиди АМА барои шаҳрвандони Тоҷикистон 1 ҳазору 67 сомонӣ (100 доллар) муайян карда шудааст.
Ҷумҳурии Тоҷикистон аз 1 январи соли 2022, бо 52 кишвари хориҷӣ, аз ҷумла Амороти Муттаҳидаи Араб ва Шоҳигарии Баҳрайн низоми бераводиди яктарафаро ҷорӣ намуд. Шаҳрвандони кишварҳои мазкур имкон доранд, ки давоми 30 рӯз дар Тоҷикистон бидуни равонид қарор дошта бошанд.
“Шавҳаратро ёфта биёр, пулатро мерӯёнем”. Саргардонии як зан барои рӯёнидани ҳаққи кӯдаконаш аз падарашон
Боздошти як мард бо гумони фиреби хоҳишмандони кор дар Аврупо
“Хабари паҳнгардида асос надорад!”. Милитсияи пойтахт гуфт, ба аҳолӣ тавассути “WhatsApp” паём нафиристодааст
Раиси як ҷамоатро барои “ҳоҷиошӣ” беш аз 57 ҳазор сомонӣ ҷарима ва аз вазифа барканор карданд
Бекор шудани маҳдудият дар фурӯши гази моеъ нархи онро каме поин кард
Дар Ховалинг мактаберо ба номи як қурбонии низои марзии Тоҷикистону Қирғизистон гузоштанд
Ӯзбекистон расмиёти дохилии тартиби соддакунии боркашонӣ бо Тоҷикистонро ба анҷом расонид
Шаҳрвандии Русия дореду дар қайди ҳарбӣ нестед. Метавонед аз шаҳрвандӣ маҳрум шавед
Оё электромобилҳо метавонанд камбуди мавсимии неруи барқро дар Тоҷикистон зиёдтар кунанд?
Зиндагии маъмулӣ пас аз зиндон. Маҳбусони собиқ чӣ гуна ба он бармегарданд?
Кулли ахбор
Авторизуйтесь, пожалуйста