Дастаи “Истиқлол”-и шаҳри Душанбе дар бозии дуюми марҳилаи гурӯҳии Лигаи қаҳрамонҳои Осиё-2 аз “Сипоҳон”-и Эрон шикаст хӯрд. Набарди дастаҳо дар шаҳри Исфаҳони Эрон баргузор гардид ва бо ҳисоби бузурги 4 бар 0 ба нафъи мизбонон анҷом ёфт.
Пас аз баргузории ду даври мусобиқа “Истиқлол” бо ду шикаст ва 0 имтиёз дар поёни ҷадвали гурӯҳи “С” қарор гирифт. Дастаи “Сипоҳон”-и Эрон бо пирӯзӣ дар баробари “Истиқлол” се имтиёз ба даст овард ва ҷойи сеюмро дар гурӯҳ моли худ кард.
Рақобати дигар дар гурӯҳи “С” миёни дастаҳои "Ал-Шарҷа"-и Аморати Муттаҳидаи Араб ва “Ал-Ваҳда”-и Урдун бо натиҷаи 2:2 мусовӣ анҷом ёфт. Ин ду даста мутаносибан дар зинаҳои якум ва дуюми гурӯҳ ҷой гирифтаанд.
Дар даври сеюми марҳилаи гурӯҳии Лигаи қаҳрамонҳои Осиё-2 рӯзи 22-юми октябр “Истиқлол” дар Душанбе бо дастаи “Ал-Ваҳда” вохӯрӣ анҷом медиҳад.
Ёдрас мешавем, ки дастаи пойтахти кишвар дар даври аввал дар баробари "Ал-Шарҷа" бо натиҷаи 0 бар 1 ноком шуда буд.
Имрӯз дастаи дигари Тоҷикистон – “Равшан”-и шаҳри Кӯлоб бозии дуюми худро дар Лигаи дуюми қаҳрамонҳои Осиё муқобили дастаи “Ал-Вақра»-и Қатар дар Душанбе баргузор мекунад.
"Равшан"-и дар бозии якуми худ бо дастаи "Моҳун Баган"-и Ҳиндустон бозиро бо натиҷаи 0 бар 0 мусовӣ карда буд.
Бояд гуфт, ки бар асоси натоиҷи марҳилаи гурӯҳии Лигаи дуюми қаҳрамонҳои КФО-2024/25 ду тими беҳтарин аз ҳар гурӯҳ ба даври баъдӣ роҳ меёбанд.
Ҳарифон дар даврҳои баъдӣ мувофиқи ҷойи ишғолкардаашон дар гурӯҳҳо (1 ва 2-юм) муайян карда мешаванд, яъне дастаи 1-уми як гурӯҳ бо дастаи 2-юми гурӯҳи дигар бозӣ мекунад. Шурӯъ аз даври чаҳорякниҳоӣ рақибон тариқи қуръапартойӣ муайян карда мешаванд.
Имсол мусобиқаи Лигаи қаҳрамонҳои Осиё-2 бо ширкати 32 даста доир мегардад. Дастаҳо ба ду минтақа – Шарқ ва Ғарб тақсим шудаанд. Ҳар як минтақа аз 16 даста иборат аст.
Дастаҳои “Истиқлол” ва Равшан” ба минтақаи Ғарб дохиланд. Дастаҳои ғолиби минтақаҳо ҳуқуқ пайдо мекунанд, ки соли оянда дар Лигаи асосии қаҳрамонҳои Осиё иштирок кунанд.
Чӣ гуна муҳоҷирати меҳнатӣ ба солимии аҳолӣ таъсири манфӣ мерасонад?
"Бо додани шаҳодатномаи ронандагӣ". Хатлон чӣ гуна нақшаи даъвати ҳарбиро иҷро кард?
Бори нахуст дар Тоҷикистон ба 2 кӯдак дастҳои намунаи нави бионикӣ гузошта шуд
Дар Ӯзбекистон ба омӯзгори сол хона медиҳанд. Дар Тоҷикистон чӣ?
Се сол ҳамзистӣ. Дар Русия шартҳои дарёфти ВНЖ зимни издивоҷ сангинтар шуд
Сабтином ба “Green Card” оғоз шуд. Чӣ гуна мустақилона метавон онро пур кард?
“Аудиокитоб” бо Субҳон Ҷалилов. Маснавии маънавӣ. Ҳикояи "Хӯрдагирии фузул аз Маҷнун"
Акбари Турсон: “Зиёиёни мо аз тарс мавқеашонро намегӯянд”
Дар Шохиси ҷаҳонии дониш Тоҷикистон дар байни кишварҳои минтақа дар зинаи охир аст
Кадом шаҳру навоҳӣ дар рӯзи аввали маъракаи даъвати ҳарбӣ нақшаро иҷро карданд?
Кулли ахбор
Авторизуйтесь, пожалуйста