Ҳукумати Тоҷикистон бо қабули қароре барои додани нафақа ба муҳоҷирони меҳнатӣ аз онҳо пардохти андози иҷтимоиро талаб намудааст. Дар ин бора қарори дахлдор аз 28 феврали соли ҷорӣ дар пойгоҳи Вазорати адлия замима гардидааст.
Дар ин ҳуҷҷат ҳаҷми пардохти андози иҷтимоӣ на камтар аз як нишондиҳанда ишора шудааст, ки соли ҷорӣ ба 75 сомонӣ баробар аст ва метавонад барои солҳои минбаъда тағйир ёбад.
Гуфта мешавад, тартиби пардохти андози иҷтимоӣ тариқи барномаи мобилии “Андози ман” сурат мегирад. Дар ин барномаи мобилӣ муҳоҷири меҳнатӣ дар бораи ихтиёран супоридани андози иҷтимоӣ дархост мегузорад ва ба ӯ ҳамчун андозсупорандаи иҷтимоии ихтиёрӣ рақами суғуртавӣ дода мешавад.
Дар қарор омадааст, “нафақаи муҳоҷирони меҳнатӣ аз маблағи саҳмҳои суғуртаи иҷтимоии ба мақомоти ваколатдор ба таври ихтиёрӣ пардохтнамуда ҳисоб карда мешавад”.
Муҳоҷироне, ки мехоҳанд бо нафақаи хуб таъмин шаванд, ҳар семоҳа, шашмоҳа ва ё солона андози иҷтимоиро ба таври ғайринақдӣ бояд пардохт кунанд.
Бояд гуфт, бо нафақа таъмин шудани муҳоҷирони корӣ дар Русия солҳо инҷониб мавриди баҳс қарор дорад. Ахиран соли 2022 баъди баррасии беш аз 7 сола ва 7 даври гуфутушунидҳо Созишнома бо Тоҷикистон дар бораи ҳамкорӣ дар соҳаи таъминот бо нафақа қабул шуда, баъди тасвиби порлумони Русия ҳукми қонунӣ гирифт ва муҳоҷирон ҳақ пайдо карданд, ки аз ин кишвар нафақа гиранд. Аммо талаботи асосӣ доштани таҷрибаи корӣ ва пардохти андози иҷтимоӣ гуфта мешуд.
Бо ин ҳама баҳси нафақа гирифтани муҳоҷирони меҳнатӣ то ҳол идома дошта, ҳамчунин дар бораи нагирифтани нафақа баъди супоридани андози иҷтимоӣ низ шикоятҳо буданд.
Таркиш дар як бандари Эрон. Расонаҳо аз 4 кушта ва беш аз 500 захмӣ хабар медиҳанд
Русия бори аввал эътироф кард, ки дар Курск низомиёни Куриёи Шимолӣ меҷанганд
Медали нуқраи Сомон Маҳмадбеков ва биринҷии Абубакр Шеров. Натиҷаи рӯзи дуюми мусобиқоти қаҳрамонии ҷудои Осиё
Қаҳрамонии як тоҷик дар Маскав. Ӯ сӯхтори мошинро хомӯш кардааст
Дар Душанбе ва Хатлон сохтмонҳои "худсарона сохта"-ро тахриб мекунанд. Қонунгузорӣ дар ин бора чӣ мегӯяд?
Қоҳир Расулзода дар Маскав бо Михаил Мишустин ҳамкории тиҷоратии Тоҷикистону Русияро баррасӣ кард
Филми “Сарчашма” аз Тоҷикистон дар Қирғизистон соҳиби ҷоизаи “Таваҷҷуҳи тамошобин” шуд
Аз 1 май меъёри аксиз барои бензину газ боло меравад. Ин ба нархи маҳсулот ва хидматрасониҳо чӣ таъсир мерасонад?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 26 апрели соли 2025
Чаро дарахтони гаронарзиши магнолия дар Хуҷанд “хушкшуда” метобанд?
Кулли ахбор
Авторизуйтесь, пожалуйста