Вазорати хориҷаи Амрико дар вокуниш ба гуфтаҳои ахири Ашраф Ғанӣ дар бораи бозгашташ ба Афғонистон, гуфтааст, ки Амрико дигар Ашраф Ғаниро ба расмият намешиносад.
Венди Шерман, муовини вазири хориҷаи ИМА гуфтааст, ки раисҷумҳури фирории Афғонистон дигар чеҳрае дар ин кишвар нест.
"Мо дидем, ки Аморот эълом кардааст, ки (Ашраф Ғанӣ) раисҷумҳури пешини Афғонистон аз сӯйи ҳукумат истиқбол шудаасту бас. Ӯ дигар чеҳрае дар Афғонистон нест",- гуфтааст Шерман.
Ашраф Ғанӣ, пас аз се рӯзи фирораш аз Кобул дар як навори видеоӣ гуфт, ки дар Имороти Муттаҳидаи Арабӣ қарор дорад. Ӯ дар ин навор гуфт, ки вақте барои баррасии вазъи амниятии Кобул ба маркази савқ ва идораи вазорати дифоъ рафта буд, ногаҳон нигаҳбононаш омаданд ва ӯро берун кардануд як тавтиаи бузурги куштани ӯро хунсо карданд.
"Толибон ва чеҳраҳои ношиносе, ки бо забонҳои кишвари мо балад набуданд, вориди Арг шуданд ва дар роҳи расидани онҳо ба Арг ҳеч муқовимате сурат нагирифт. Онҳо утоқ ба утоқ мегаштанд то маро пайдо кунанд. Тасмим ин буд, ки он чи биступанҷ сол пеш дар Афғонистон рух дод, такрор шавад",-гуфт Ғанӣ.
Ғанӣ ҳамчунин хабарҳои нашршуда дар мавриди ин ки, ҳангоми ирор пули зиёдеро бо худ Аз Афғонистон бурдааст, дурӯғ хонд ва гуфт, ки ҳатто фурсат наёфт табдили либос кунаду бо "пероҳантубону чаплӣ" (либоси афғонӣ ва пойпӯши тобистонӣ) Кобулро тарк кард.
Вале мақомҳои гуногуни Афғонистон, аз ҷумла як корманди баландпояи Вазорати хориҷаи ин кишвар, сафири Афғонистон дар Тоҷикистон ва сафорати Русия дар Кобул, баъди фирори Ғанӣ гуфтанд, ки ӯ 169 миллион долларо бо худ бурдааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Оё имсол ба Тоҷикистон камобӣ таҳдид мекунад?
Дар Душанбе хатсайри нави автобус фаъол мешавад: аз Коллеҷи тиббӣ то Терминали ҷанубӣ
Тоқаев ҳамсари Назарбоевро аз комиссияи кор бо занҳо ихроҷ кард
Ӯзбекистон ҳам "Занги охир"-ро мисли Тоҷикистон танзим кард
Вазорати тандурустӣ дар Қирғизистон 111 муассисаи хусусии тиббиро мебандад
Тоҷикистон бозиро бо Ӯзбекистон 0:2 бохт
Рӯзҳои ахир дар Афғонистон чӣ мегузарад: аз қатли оми тоҷикҳо то душманхонии Тоҷикистон
Обуҳавои Тоҷикистон дар моҳи июн: ҳарорат баъзан то 45 дараҷа гарм мешавад
Дар бархе аз маҳаллаҳои Душанбе интиқоли оби нӯшокӣ муваққатан қатъ мешавад
Гумонбари сеюми парвандаи куштори оилаи Маҳмадовҳо дар Ҷайҳун низ аз баёноташ даст кашид
Кулли ахбор
Авторизуйтесь, пожалуйста