Ҳукумати Толибон додани гувоҳномаи ронандагӣ (права) ба занону духтаронро дар Афғонистон манъ карданд. Бино ба иттилои бахшии дарии "Садои Амрико" масъулони трофик (ГАИ)-и ҳукумати Толибон ба Марказҳои омӯзиши ронандагӣ дастур додаанд, ки ба занону духтарон дигар гувоҳномаи ронандагӣ надиҳанд.
Аммо ҳанӯз маълум нест, ки оё Толибон омӯзиши ронандагиро ҳам барои занон манъ кардаанд ё не.
Дар Афғонистон, пеш аз тасаллути Толибон ба ҳукумат, дар шаҳрҳои бузурги ин кишвар, аз ҷумла Кобулу Ҳирот занони зиёде ронандагӣ мекарданд. Ҳоло ба назар мерасад, ки Толибон ҳадаф доранд ронандагии занонро дар Афғонистон манъ кунанд.
Ҷалолиддин Содот, як масъули Маркази омӯзиши ронандагии "Бародарону хоҳарони афғон" дар вилояти Ҳирот ба "Садои Амрико" гуфтааст, ки масъулони мудирияти трофики Ҳирот ба мо гуфтаанд, ки фаъолиятҳоямонро дар бахши омӯзиши ронандагӣ барои занон мутаваққиф кунем.
Ӯ ҳамчунин гуфтааст, ки мудирияти трофик додани форма (бланка) барои дархости гувоҳномаи ронандагӣ барои занонро низ манъ кардааст ва дигар ба марказҳои омӯзишӣ онро намедиҳад.
Аммо Содот гуфтааст, ки ин дастур ба онҳо шифоҳӣ расонида шудааст ва то кунун ҳеч дастури хаттие ба онҳо ворид нашудааст.
Хоноқо Ачикзай, масъули бахши таълиму тарбияи трофикри Ҳирот ба "Франспресс" гуфтааст, ки "ба мо ҳам ба гунаи шифоҳӣ дастур шудааст, ки додани гувоҳнома ба ронандагони занро мутаваққиф кунем". Ин масъул гуфтааст, ки то кунун дар мавриди ҷилавгирӣ аз ронандагони занд дар шаҳр ҳидояте нагирифтаем.
Одила Адил, мураббии яке аз марказҳои омӯзиши ронандагӣ ҳам гуфтааст, ки Толибон ба онҳо дастур додаанд, ки дигар занонро ронандагӣ наомӯзанд.
Наимулҳақ Ҳаққонӣ, раиси Раёсати фарҳангу иттилооти Ҳирот ҳам гуфтааст, ки ба онҳо дар ин замина ҳеч мактубе ирсол нашудааст. Аммо ӯ дар мавриди дастури шифоҳӣ чизе нагуфтааст.
Раёсати трофики Кобул ҳам раванди додани гувоҳномаи ронандагӣ ба занонро мутаваққиф кардааст. Аммо Гулаҳмад мамузай, масъули яке аз бузургтарин марказҳои омӯзиши ронандагӣ ба "Садои Амрико" гуфтааст, ки онҳо ҳеч дастуре нагирифтаанд ва ҳоло ҳам чанд зан ба омӯзиш дар маркази онҳо машғуланд.
Ҳукумати Толибон ҳамчунин барои занону духтарони аз синфи 6 болоро дар Афғонистон манъ кардаанд, ки ин мавзуъ баҳсҳои зиёдеро дар сатҳи Афғонистон ва ҷаҳон ба бор овардааст.
Ҳамчунин Толибон бо гузашти 8 моҳ аз ҳукуматашон дар Кобул, ба занон иҷозаи корро надодаанд. Танҳо теъдоди кучаке аз занон дар бархе аз идораҳо кор мекунанду халос.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста