Толибон нагузоштаанд, ки Ҳомид Карзай ба маросими фотиҳахонии Шайх Халифа, раиси ҳукумати Имороти Муттаҳидаи Арабӣ биравад. Дар ин бора Афғонистон Интернейшнл бо такя ба манобеяш дар даруни "Толибон" хабар ждодааст.
Ба иттилои манбаъ, қарор буд Карзай рӯзи шанбеи 14-уми май ба Дубай парвоз кунад ва дар маросими фотиҳахонии Шайх Халифа бин Зоид ал-Наҳён дар Абу Забӣ ширкат кунад.
Гуфта мешавад, ки масъалаи сафари Ҳомид Карзай қаблан бо вазорати хориҷаи Толибон ҳамоҳанг шуда будааст, вале дар ниҳоят Толибон нагузоштаанд, ки Карзай Кобулро тарк кунад.
Дар Ҳамин Ҳол на Карзай ва на ҳукумати Толибон ин мавзуъро шарҳ надодаанд.
Пештар расонаҳои Афғонистон бо такя ба манбаъҳои дипломатӣ хабар дода буданд, ки Абуддулоҳ Абдуллоҳ, раиси пешини Шӯрои оли сулҳи Афғонистон ва Ҳомид Карзай, раисҷумҳури пешини ин кишвар аз сӯйи "Толибон" ба ҳабси хонагӣ гирифта шудаанд ва ҳаққи ба хориҷ аз Афғонистон сафар карданро надоранд.
Худи Карзай дар як мусоҳибае бо як шабакаи телевизиони Эрон ин маҳдудиятро ҳам таъйид карда буд.
Аммо Абдуллоҳ Абдуллоҳ саранҷом тавонист аз Афғонистон ба хориҷ сафар кунад. Ӯ дар рӯхҳои Иди Фитр зимни паёми табрикие гуфт, ки имсол идро берун аз Афғонистон ҷашн мегирад, аммо Абдуллоҳ дар мавриди ҷузъиёти сафараш ба берун ва наҳваи берун рафтанаш аз Афғонистон чизи дигаре нагуфта буд.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста